油肌可用嘅光澤保濕型粉底
質地唔算太流質，一搽上面已經feel到保濕感，用手指點開再用掃上，可以做到透薄而有一定遮瑕度嘅底妝，而且修飾毛孔；我習慣泛紅位會局部上多層再上碎粉，如果濕度低什至可以唔上碎粉，都可以keep到大半日，油肌秋冬可以一試。
顯示更多
19.11.2024
19.11.2024
愛用的保濕型粉底💛
粉底質地似保濕cream咁，推開即時feel到保濕感，有淡淡香味，好啱秋冬時候用。最有感係我混油肌用保濕型粉底嚟講，遮毛孔同持久度都好好，就算用咗幾個鐘後溶妝，都唔會甩得肉酸。
顯示更多
26.10.2024
俾moisturizing誤導
粉底質地偏流質，透薄易推，帶淡淡桃味，遮瑕度低，就算疊加都只去到中度，但修飾毛孔不錯。混油肌嘅我初頭見moisturizing都怕會易溶妝浮粉，所以喺秋天呢d時候用就不錯，剛上妝時確實feel到水感，到幾個鐘後會開始脫妝，但唔會一笪笪，只係有少少乾。
顯示更多
18.10.2024
29.09.2024
29.09.2024
一言難盡
質地呈粉底色較杰身狀，易推開，而且推開後會feel到保濕感，比較啱乾肌/秋冬使用。我本身油肌，用佢個妝感會時靚時唔靚😓我用RMK Makeup Base夾佢，出嚟妝效會係零毛孔，脫妝都唔太肉酸；但皮膚狀態唔好或者用錯Makeup Base/碎粉，妝效就會一笪笪🙈
顯示更多
29.09.2024
16.09.2024
16.09.2024
16.09.2024
便宜又好用，回購再回購
我係睇台灣美妝youtuber推介而買嚟用，確實便宜又好用；首先多色選擇；二係易畫，只要畫出眉形，再輕描幾筆及用眉刷輕刷，已經可以畫到自然嘅眉，唔會變小新眉；三係keep到全日都唔甩，所以我每次用完都會回購！
顯示更多
23.08.2024
23.08.2024
29.07.2024
同其他填補毛孔嘅primer一樣
質地跟其他填補毛孔嘅primer一樣，呈白色，推開會變透明，修飾毛孔。冇特登查成份，但每次用都涼涼的，好似有薄荷，呢一點我沒有很喜歡，而且用完毛孔同油光確實有修飾，但之後上粉底會唔太貼。
顯示更多
17.07.2024
不過不失
水狀質地，我上網見到建議嘅使用方法係配合化妝棉使用，所以我會用呢款產品作二次清潔，用完會塊面幾清爽，見到化妝棉有黃黃的，感覺抹咗d污糟嘢出嚟，後續護膚品會吸收啲，唯獨亮白效果唔明顯。
顯示更多
17.07.2024
確實light weight
粉底質地較液體狀，輕薄易推開，遮瑕度相對較低，而且只可以局部堆疊，因為全面上兩次的話，上第二層會好易推走第一層。我覺得呢款粉底真係做到無重輕霧，幾light weight幾啱夏天用，而且妝感呈matte狀，建議局部上粉底，因為粉底幾易乾，全面上會有機會推唔勻。
顯示更多
11.07.2024
滋潤嘅面膜
面膜質地呈淡黃色cream狀，帶有淡淡杏桃香味，易推開，但塗上面會有一定嘅厚重感同黏笠感，我怕會痴枕頭，所以唔會當睡眠面膜用，反而會夜晚洗完面立刻敷，敷2個鐘左右臨瞓前就洗走，之後再繼續後面嘅護膚程序；敷完塊面會覺得滋潤同好滑，適合秋冬或冷氣下使用。
顯示更多
23.06.2024
23.06.2024
猶如暗瘡膏嘅Retinol
精華呈淡淡奶白色薄身質地，易推快吸收，氣味冇其他牌子嘅Retinol產品咁強烈。雖然叫做“抗痘精華”，但我習慣係全面搽，最大感覺就係用後少咗生痘痘，就算有都好會快謝，以下巴痘痘尤其明顯分別，未用前下巴會常有暗粒同生理痘，但用後明顯少好多；同埋呢款Retinol精華冇咁令到塊面太乾甩皮。
顯示更多
25.05.2024
薄搽會較持妝
Cushion外殼呈薄荷綠色airpods大小係幾吸引，頭幾次用粉樸好容易會攞太多份量上面，從而令到厚妝唔太貼易溶妝；但之後攞粉少量上面會較貼，我油肌用都會有白芝麻甩妝喺口罩嘅情況，但公道d講，呢款cushion係較其他cushion matte身唔笠唔厚，只不過我覺得油肌始終唔適合cushion。
顯示更多
12.05.2024
冇感
面膜質地呈黃金色厚身狀，尚算易推開，但敷完洗完面，唔覺塊面有保濕/滋潤，產品描述嘅抗氧、預防並對抗暗啞、皺紋、彈性流失等肌膚衰老跡象更加冇感，好彩我係用試用裝試用3次，如果唔係咁貴但冇效都幾肉痛。
顯示更多
12.05.2024
28.04.2024
28.04.2024
28.04.2024
15.04.2024
做到描述：防護肌膚
呈白色乳液狀，味道一般(阿嫲味)，質地輕薄，易推快吸收得嚟夠保濕；我係睇網上推薦Shiseido 皇牌免疫力精華配合呢款乳液使用，可以喺轉季日子做到穩定肌膚，我用咗一排確實做到產品描述：防護肌膚-令肌膚免受外界侵害+加速肌膚更新修護。
顯示更多
03.04.2024
24.03.2024
04.03.2024
有驚喜
有KOL話係伏，唔吸收唔保濕，所以用嘅時候都冇抱好大期望，但反而有驚喜；精華質地呈透明厚身狀，3滴已經可以推勻成塊面，需要俾平時用多少少時間俾皮膚吸收，我覺得保濕能力算中上而且唔太黏笠，唯獨唔覺有緊緻抗皺。
顯示更多
16.02.2024
有改善，有好感
有幸被抽中試用淡斑去印 & 緊緻去紋兩款精華，其實之前已經試過第一、二代嘅淡斑精華，嗰時覺得有d笠，容易致痘同起擦膠碎，但今次試用第三代發現以上問題都有改善，配合緊緻精華，我覺得做到以下功效：朝早防黑色素形成，夜晚就修護毛孔。兩者精華唔太厚唔太笠，易推快吸收，值得一試
顯示更多
28.02.2024
03.02.2024
03.02.2024
少少失望
安瓶質地呈白色厚身狀，易推開，吸收後會好似喺面上形成水膜，有一定滋潤感；我配合同品牌同系列面霜使用，用完當刻會覺得滋潤，但當喺濕度低嘅夜晚連續使用，第二朝會覺得乾，所以有少少失望。
顯示更多
21.01.2024
11.01.2024
11.01.2024
用完會敏感😑
質地呈淡黃色，易推，搽完會有油潤感；我初時用係冇問題，但一個星期後，會覺得刺痛、紅同痕，之後搽修護霜眼周肌膚回覆正常，但再搽呢款亮眼精華霜又再刺痛、紅同痕，我覺得可能係維C濃度太高，所以敏感肌要留意；而且黑眼圈、撫平眼周細紋、魚尾紋及浮腫都唔覺有改善...
顯示更多
11.01.2024
