【Chanel 唇膏液】顛覆啞緻唇彩傳統印象 Rouge Allure Ink Fusion極致霧面染唇液 令人一見傾心 ！

身為唇膏控嘅我，家中唇膏多到數唔曬，但轉季點可以唔換換新唇色！今個秋季一於大玩霧面唇妝，聽聞Chanel新出左一系列極致霧面染唇液，等我地iTrial美評同大家一試啦！

Text & photo : TiffanyC (IG: junhei_tiffany) | Editor：AnGel S.

實測Chanel Rouge Allure Ink Fusion極致霧面染唇液

Chanel極致霧面染唇液備有12款色調，由自然柔和乾燥玫瑰色、鮮明經典紅色系到前衛大膽的梅紅色系都有齊曬！

價錢： $290

色號 ：218 PLAISIR

點擊查看產品資料

滋潤度：4分

佢matte得嚟一啲都唔乾，就算冇搽潤唇膏打底都絕對冇問題！仲要佢唔顯唇紋，乾唇女生們都用到。不過，如果你本身唇部有死皮嘅話，佢係會有現死皮嘅問題，所以用前要先做唇部磨砂啊！

厚搽

薄搽

顯色度：4分

輕輕一抹已非常飽和出色，瞬間變成絲絨霧面質感。

薄搽：比較自然，素顏搽都可以，有種自然好氣色嘅感覺。

厚搽：比較有女人味。
 

易卸度：4分

用普通眼唇卸妝液輕輕一抹，已經可以把唇妝全部卸乾淨！

持久度：3.5分

食完野之後只keep到6成色，係我身上持久度一般。

總評：

Chanel Rouge Allure Ink Fusion極致霧面染唇液集輕盈、飽和、絲絨啞緻、顯色於一身，質感順滑易塗，輕輕一抹已非常飽和出色，瞬間變成絲絨霧面質感，而且能兼顧滋潤度，雙唇matte得嚟唔乾，唔顯唇紋！備有12款色調，由自然柔和乾燥玫瑰色、鮮明經典紅色系到前衛大膽的梅紅色系都有，大家一定要去專櫃試下啊！