【Atorrege AD+ 深層清潔去角質】一分鐘極速去除死皮 同時白滑肌膚

之前都有睇過唔少人分享話日本醫學級美肌品牌Atorrege AD+好適合敏感肌、痘痘肌同濕疹肌嘅朋友用，因爲產品比較溫和，不含人造香料色素、激素、苯甲酯酸類防腐劑等刺激成分。同埋品牌無採用動物活體測試，所以得到更多人嘅支持！

今日想同大家試下佢嘅一分鐘白滑 Soft Peeling，測試下佢嘅易推度、去角質度同美白度，睇下佢係咪真係啱敏感肌使用！
 

Text & Photo：Tiffany (IG:@your.beautyteller) | Editor：AnGel S.

Atorrege AD+ 一分鐘白滑 Soft Peeling

價錢：$350/80g

實測Atorrege AD+ 一分鐘白滑 Soft Peeling

質地：4.5分

泵出黎係啫喱狀質地，流動性幾高，可以好快搽勻全面。搽上面輕感覺身，唔會有厚重感。

氣味：4分 

產品無落人造香料，氣味唔大，唔留意嘅其實係唔覺有咩味。但仔細聞落有淡淡清香味，聞落幾舒服。

延伸閱讀：

【innisfree 深層清潔面膜】去角質收毛孔好幫手 濟州島火山泥2x好用唔乾！

去角質度：4分 

去角質效果唔錯，用啱方法就可以輕易捽出死皮污糟野。記得用量唔需要太多，薄薄一層就夠，因爲太厚會乾唔到，而佢係要係半乾情況下先可以捽出啲粒粒出來。我頭兩次唔識，搽得幾厚，要等比較長時間先達到半乾，係濕嘅時候開始打圈按摩係捽唔到粒粒出來。

美白度：3分

我係手背做咗個測試，左半邊無用產品，右半邊有用。睇圖可以見到有用個邊略為比另一邊亮白，真人望會明顯少少，見到有啲白到，但過左相機就唔係好睇到。
 

總評：

用左幾次感覺幾好！Atorrege AD+ 一分鐘白滑 Soft Peeling係一款溫和嘅去角質產品，入面含有可以抗敏嘅墨角藻同甘草酸，仲有抗炎嘅黃柏樹皮，所以好似我咁係敏感肌嘅朋友都啱用，同埋產品介紹話小朋友同孕婦亦可以用，性質溫和唔刺激。我一星期會用1-2次，用完皮膚會軟熟咗，之後化妝無咁易卡粉。另外，因爲佢有透明質酸等嘅保濕成分，所以唔怕會愈用愈乾。只係可能本身我睇介紹話「一分鐘白滑」，對美白方面會有多少少期望，但用完一次美白效果不過不失，主要係感覺到滑咗。

延伸閱讀：

【su:m37 泡泡面膜】綿密亮白深層淨化泡泡面膜 溫和清潔毛孔