Benefit 豐盈眉筆｜適合打造任何妝容 隨時補妝必備｜iTRIAL用家分享

最愛Benefit 豐盈眉筆 Goof Proof Eyebrow Pencil 畫眉新手都超容易上手，好輕鬆就可以畫到條靚嘅眉，帶出街都好方便，對比眉筆，眉粉，眉膏，我都係最愛眉筆，首先體積夠細帶去邊都得，隨時隨地補眉妝都得，好推薦俾大家，又好用又方便

用呢支眉筆畫完條眉俾人一種好精神嘅感覺，同埋眉形會變得好靚因為一條眉對於成個妝有着畫龍點睛嘅效果，所以畫到一條靚眉，可以令到成個妝感咁都提升咗一個層次

經過我嘅一年實測，呢一款眉筆真係好值得入手，如果大家都想打造完美眉形嘅話真係好推薦大家選購呢一款眉筆

Text & Photo:Kura (IG：Kuraawong)

實測 Benefit 豐盈眉筆 Goof Proof Eyebrow Pencil

Benefit 豐盈眉筆 Goof Proof Eyebrow Pencil

價錢：$225 (共12色)

色號：4號

產品介紹：眉筆質地細膩潤滑上妝效果，超容易上手嘅豐盈眉筆。呢支眉筆擁有免刨「零失手」筆頭，方便快速上妝塑形。長達12小時防水配方，柔和色調打造豐盈自然的眉毛。內置混合眉刷，方便隨時畫眉

產品實測部分

顯色度：4.5分 

我選用嘅顏色係4號色，顏色偏深d嘅啡色，好適合亞洲人嘅膚色，用完有突顯返明顯嘅輪廓，筆頭順滑容易上色，眉型自然妝感自然，顏色適合任何妝容，容易搭配任何妝容係一流嘅選擇

易畫度： 4分 

筆頭容易掌握角度，可以好精準咁打造出眉型嘅輪廓，筆芯硬度適中，因為我有用過一啲眉筆係好難上色，同埋好難畫到一個靚嘅眉形，同埋我用咗一年時間感覺好好，我會帶出街補妝都非常容易掌握

防水度：4分 

呢一支眉筆嘅防水程度好高，因為我夏天都會用黎化妝出街或者去沙灘，因為香港嘅天氣比較熱同埋好容易出油，但呢一款眉筆都可以做到防水防油嘅效果唔錯

持久度：4分 

我用完呢一款眉筆化完妝出街食飯，經過5個鐘，眉妝都依然保持得好好，亦都冇溶妝嘅感覺，顏色亦都冇脫落，整體效果持久，喺防水防油方面效果做得好好

總評：

好鍾意用呢一款眉筆畫出嚟嘅眉形妝感都好靚，顏色好自然好適合我嘅膚色同埋我好match到我嘅頭髮顏色，同埋眉筆唔會受天氣或者季節嘅影響而影響到上妝嘅效果我覺得真係好值得入手，同埋呢一款眉筆嘅價錢唔算貴，顏色又多選擇，如果大家都煩惱緊揀眉筆嘅時候可以選擇嘗試吓呢一款眉筆，同埋呢一款眉筆都好耐用就算我係日日用嚟上妝補妝都可以用到好耐，同埋Benefit嘅出品一直都好好，同埋Benefit主打嘅產品都係眉妝產品所以真係好值得一試，同埋包裝都好靚好吸引，同埋呢一款眉筆嘅產地係日本，同埋呢一支眉筆體積細好輕，同埋設計好貼心有埋刷頭，最後我都會選擇再回購呢一款眉筆