Bobbi Brown 全新 無重輕霧粉底液｜夏天不可或缺 清爽舒適完美底妝｜iTRIAL用家分享

夏日炎熱焗促，每次出門前我總會花費最多時間去處理好妝容，尤其底妝更甚，因為輕透自然大前提下，亦需要貼服持久又無重感，更要抵抗到一出門已經30度以上嘅蒸爐環境，所以係挑選化妝品上我嘅要求都更高。

不過我近期就沉醉喺底妝專家Bobbi Brown全新推出嘅無重輕霧粉底液當中，尤如空氣一般、透薄遮瑕無負擔嘅妝感，重新定義霧面啞光粉底，輕鬆還原自然真實肌膚，而且再配合維他命營養底霜打底，持妝效果令人驚豔，高溫下出門都可以維持清爽完美妝效。

Text & Photo: Double Yong (IG：dou2le )

實測 Bobbi Brown 無重輕霧粉底液 Weightless Skin Foundation

Bobbi Brown 無重輕霧粉底液 Weightless Skin Foundation

價錢：$510 / 30ml

Bobbi Brown無重輕霧粉底液採用獨特高速冷凍技術，令產品打破市面粉底液常規，以保持空氣一般無重質感及極佳親膚性質感，薄薄一層就可以塑造出帶點微霧感嘅底妝，近距離觀望都係尤如原生美肌嘅精緻狀態。

全系列分為Warm、Neutral、Cool三款tone line可選，無論任何膚色都可以精挑到合適。我選用嘅係C-004 Alabaster色號，屬於Cool tone入面extra light位置，整體偏白帶粉調，薄塗不會假白，所以全系列都可以貼合普遍亞洲肌膚。

質感：4.5分 

滋潤且乳液質感嘅粉底液，流動性不高但延展性強，輕推就可以平滑均勻至全臉，加上薄薄一層就可以塑造出底妝，所以每次取量比平日其他粉底液少。

妝效：4.8分 

粉底液配方含有三重保濕複合物：透明質酸、甘油及蜂蜜萃取物，可以係上妝當下即時有效提高肌膚水分含量，所以完成底妝不卡粉、不浮粉，更會隱形毛孔，如一抹融入肌膚，打造零粉感底妝，還原夢想自然真實肌感。

遮瑕度：4分 

毛孔被隱形外，臉上瑕疵都被統一柔化一樣，輕薄粉底下自然修飾「疲倦肌」眼周色素深沉、膚色暗啞不均勻等困擾，疊加更可以將色斑、暗瘡印等小瑕疵都被遮蓋，令肌膚如自帶輕霧濾鏡。

透氣度：4.5分 

有保濕成份融入，除了即時粉底輕盈透氣，都可以長時間保持肌膚水潤，加上具備防水防汗配方，更不易脫妝，一整日持妝完全無難度，甚至有時因為天氣太炎熱，曬後出汗肌膚下侷促、繃緊感亦都無。

持久度：4.9分 

而粉底液獨家高效平衡科技，更可以維持肌膚長效水油平衡，展現全天候持妝力。配合先用維他命營養底霜打底嘅底妝即使超近距離觀察外出後嘅狀態，保留程度達９成以上，斑駁不堪、浮粉情況完全無發生，只有鼻翼泛油嚴重區域輕微脫落。

Bobbi Brown 維他命營養底霜 Vitamin Enriched Face Base 

Bobbi Brown 維他命營養底霜 Vitamin Enriched Face Base

價錢：$610 / 50ml

維他命營養底霜結合保濕霜及妝前底霜功效，可以為肌膚注入滋養能量同時肌膚為打造好更細緻平滑妝前狀態，令後續底妝完美度及持久力都提升，而且尤其如雪芭般綿滑質地，可以無縫貼合肌膚，底妝附著力亦隨之增加，更輕易打造出最理想妝容。

總評

維他命營養底霜可以為肌膚提供清爽、滋潤嘅底妝基礎，但擁有完美底妝嘅重要秘訣，係一支令人滿意嘅粉底液，無論以化妝掃、抑或化妝海綿上妝，Bobbi Brown無重輕霧粉底液都可以帶嚟叫人大讚持久不焗促、又透薄自然嘅妝效，而且當中有效提升肌膚保濕度，令肌膚肉眼可見平滑細緻，係今個夏天不可或缺嘅清爽舒適完美底妝。