【BORGHESE 深層清潔面膜】為敏感肌同乾肌而設嘅清潔泥漿面膜 去暗粒黑頭同時舒緩肌膚

以前都有見到好多人分享BORGHESE美膚泥漿，話清潔力好，效果唔錯。但我自己一路都無試，因爲清潔泥漿面膜一向予我感覺都是可能會比較乾同刺激。今次新推出嘅柔潤配方FANGO Delicato Mud for Delicate Dry Skin，係特別為敏感肌/乾肌而設，入面含有「翠葉蘆薈哩喱」及「芒果油」，清潔皮膚同時保濕，仲可以舒緩鎮靜肌膚不適。

下面我會同大家測試下呢款BORGHESE美膚泥漿嘅易推度、清潔度及收毛孔度。
 

Text & Photo:Tiffany Tsoi (IG: your.beautyteller) |Editor：AnGel S.

BORGHESE 美膚泥漿(柔潤配方) FANGO Delicato Mud for Delicate Dry Skin

價錢：$750/17.6 oz ; $400/7.5 oz

實測BORGHESE 美膚泥漿(柔潤配方) FANGO Delicato Mud for Delicate Dry Skin

包裝：

包裝瓶由玻璃製成，重身，要小心擺放。泥漿上面付有一片膠片，我會keep起佢，每次用完都會放返佢先再冚蓋，泥漿會無咁易乾。同埋配有清潔撲，方便清洗面膜。

質地：4分

質地偏杰身，但易推。每星期敷1-2次，厚敷至睇唔到本身膚色，每次3-5分鐘，唔需要敷到全乾。之後稍為弄濕清潔撲，抹走大部分泥漿再過水。

氣味：

氣味清新，唔刺激，聞落幾放鬆同舒服。

延伸閱讀：

【Borghese 美肌油】不留油跡！ 怕「油膩」也可用 Borghese 夜間再生活膚油

清潔度：4分

清潔力幾好，敷完用黑頭棒輕輕一推就可以推出污垢。
 

收毛孔度：2分

雖然BORGHESE美膚泥漿清潔力唔錯，但收毛孔能力唔明顯，敷前敷後無咩分別。

總評：

總括黎講，我覺得呢款BORGHESE美膚泥漿用落舒服，清潔力夠又唔刺激，而且敷完唔會乾，我敏感肌用佢都ok，但價錢有少少貴。如果你同我一樣係敏感肌，或者皮膚較乾，想要一款溫和嘅深層清潔面膜，可以試下呢款。只是，呢款真係一個純清潔面膜，雖然性質溫和唔刺激，屬於敏感肌嘅我用起來沒有敏感情況，但減低泛紅和舒緩肌膚就一般。

延伸閱讀：

【Melvita 清潔面膜】有機薄荷深層淨膚磨砂面膜 潔淨毛孔靠創新植物泥！