【CANVAS 卸妝油】天然蛋花植物油 夏天卸妝好物

係香港潮濕既天氣，好多人對卸妝油卻步，但我就相反～

無論春夏秋冬我都鍾意用油類卸妝產品，方便之餘又卸得乾淨。

所以今次見是潔膚油就二話不說要試用～

CANVAS 煥白亮澤潔膚油 Brightening Cleansing Oil除左可以用黎落妝，就算冇化妝都可以用作潔面清潔！

一試就知好唔好用，等我地iTRIAL美評試下啦😜

Text & Photo: Cass (IG: cassswy) | Editor: AnGel S.

CANVAS 煥白亮澤潔膚油 Brightening Cleansing Oil

價錢：$580 / 200ml

實測CANVAS 煥白亮澤潔膚油 Brightening Cleansing Oil

包裝：3分

包裝簡單，透明樽身配上粉紅色。

如果泵頭可以有得lock實就perfect啦，帶去旅行時都唔怕會漏。

延伸閱讀：

【Canvas 面膜】敷極唔乾的面膜？玫瑰高效保濕精華面膜

質地：4分

睇落去好似水咁，流動性超強，但真係油黎😂

試上手睇睇，一抺就冇晒乾淨俐落，用上面一泵已經可以卸晒全妝。

香味：4分

冇好濃烈既味道，有點香薰精油味，是來自珍貴雞蛋花香薰油，再配上澳洲檀香木、廣藿香及金盞花混合而成既天然香味。

卸防水彩妝度：5分

（平時用手卸妝，今日想重點睇下卸眼部彩妝如何）

今日搽左厚厚既睫毛膏、好閃既眼影加上防水眼線筆～

黎睇下呢支卸妝油既威力😂

對於這樣比較濃的眼部彩妝，竟然唔洗幾秒眼妝就bye bye！

試過好多卸妝油都會澀眼，本身都擔心會好澀，但出奇竟然冇！要加分～

清爽度：4分

我覺得大家唔需要擔心因爲佢係「油」而唔敢用，出色既潔膚油係唔會係肌膚表面留低油膩感，亦唔會阻塞毛孔。

用後皮膚唔覺繃緊，仲帶有一點光澤與柔軟觸感。

總評：

起初都怕呢支CANVAS 煥白亮澤潔膚油 Brightening Cleansing Oil中的煥白或者美白成分會刺激皮膚，但用左幾日，皮膚冇敏感！感覺煥白效果不算太明顯，不過我幾鍾意呢款卸妝油，因為唔會令眼睛唔舒服❤️

所以敏感朋友算係多個選擇吧～ 而油肌既朋友更加要試啦，潔膚油絕對是炎炎夏日卸妝的最佳之選。

延伸閱讀：

【THREE 卸妝油】日本爆紅天然平衡潔膚油 防日彩妝都可以輕鬆卸乾淨！