Canmake 完美高效眼影｜春天氣息 新手化出甜美眼妝｜iTRIAL 用家分享

平日眼妝都以粉色大地色系為主，約會就會加重閃粉，令雙眼更bling bling有神。

今次試用日本Canmake Perfect Stylist Eyes Eyeshadow 完美高效5色眼影，一盒有齊眼妝要有的色系配搭，簡單易用，連新手都可輕鬆暈疊出日常眼妝、或是加深輪廓變晚妝。

今次選用#22 Apricot Peach 杏桃橙色很有春天氣息，化一個甜美眼妝就最適合，一齊睇睇以下示範啦^^

Text & Photo: Sandra  (IG：pinksheeb)

實測 Canmake 完美高效眼影Perfect Stylist Eyes

Canmake 完美高效眼影Perfect Stylist Eyes 

價錢：$88

色號：22 Apricot Peach 杏桃橙色

產品介紹：五色眼影組合，可以打造自然妝及閃亮眼妝，眼影蘊含角鯊烷的水潤粉末，質感幼細、柔滑，上妝後緊貼眼蓋，不易散落。中間的寶石閃粉，可以自由添加所需的數量，隨時可以輕易化出帶閃亮效果的眼妝，或是不閃亮的美炫眼妝；寶石閃粉亦可增加卧蠶位置的飽滿感

產品實測部分

質地：4分 

粉質頗幼細，輕輕一掃已經好貼皮膚，沒有太多飛粉情況。

顯色度：4.5分

雖是開架品牌，但是顏色飽和度高，顯色度不錯，亦容易暈開。

底色是偏粉橙色系，配上深啡色做 shading可輕易改善浮腫問題，營造出深邃大眼，而在眼頭及窩中間掃上閃粉，令雙眼更精靈有神，望落更年輕。

持久度：4

化完妝外出幾小時，潮濕天氣下都沒有太溶妝，只有眼尾有少少甩，完全可以接受。

總評：

一直以來Canmake的化妝品評價都頗高，今次試用完美高效5色眼影我覺得性價比幾高，幾十蚊開架貨仔但效果幾出色，最重要是容易配搭兼不會失手，顏色仲要幾靚添，好值得入手。