Chanel 珍珠光采防曬氣墊粉底 | 白色盒子細緻毛孔 半啞光高度遮瑕防曬美白集於一身｜iTRIAL用家分享

Chanel珍珠光采防曬氣墊粉底 Le Blanc Brightening Gentle Touch Foundation適合使用於春夏天氣日常妝容中。其質地輕薄輕盈，但能夠cover大概70%面部瑕疵、泛紅肌膚、黑眼圈細紋等問題！

實測完推薦給大家～

Text & Photo: Kennis Chung (IG：kennisckk)

實測 Chanel 珍珠光采防曬氣墊粉底 Le Blanc Brightening Gentle Touch Foundation SPF30/ PA+++

Chanel 珍珠光采防曬氣墊粉底 Le Blanc Brightening Gentle Touch Foundation SPF30/ PA+++

價錢及容量：$500/11g 

產品介紹：

首先作為外貌協會嘅我 一見到呢個白色小盒子包裝已經抵擋唔到～

粉質creamy 一盒已經備有SPF 30/PA+++ 防曬度，

產品的天然成分令化上面好保濕好貼面，但唔黏笠且無負擔感。佢做到薄透底妝而有coverage，而當中的美白精華可以提亮膚色。陶瓷複合物糅合甘草、透明質酸和甘油等天然成分，令肌膚自帶光澤感。
 

產品實測部分

粉撲／易用度： 4分 

第一次用Chanel氣墊粉撲，絲絨面用上面好柔軟，有回彈力， 唔會食粉。 鼻翼二側都可以照顧得到好容易上粉！

質地：4.3分

質地屬於嗰種好水潤、上面有光澤感至半啞光皮膚自然發亮嗰種感覺，上到面有延展性令膚色均勻。

貼服度：3.8分

非常貼服，遮瑕力度都好足夠。

妝感偏持久，唔會暗沉。

保濕度：4.5分

因為有透明質酸美白精華成分，所以補水度好足夠～

上妝後好輕薄、冰涼感，唔會有重疊粉狀或者卡粉狀態。

遮瑕度：4.2分

基本上我無上任何遮瑕，上一層cushion已經有cover到我70%左右肌膚泛紅同暗瘡印，而且修飾到黑眼圈。

持久度：3.8分

因為帶上口罩關係，大概5小時左右T字位鼻翼二旁會有小小甩粉。

總評：

會推薦比皮膚偏乾性或敏感泛紅肌朋友，因為cushion具備甘草美白精華等成分，作為日常妝容或補妝都系一個好好選擇！

基本上出街一日都唔需要點補妝，little touch up已經last到好耐。妝效貼服，輕易塑造高度遮瑕的妝容。

大家選擇色號時不妨選擇與頸部膚色相近色號喔！