【Christian Louboutin Beaute 唇釉】必搶！超顯色持久Rouge Matte Fluids液狀唇膏

Christian Louboutin高跟鞋深信係每個女仔嘅dream heels，依家佢地亦踏足了彩妝界，鍾意收藏化妝品嘅我當然即刻去朝聖啦！呢款全新經典紅持久啞光女王權杖唇釉 Rouge Louboutin Matte Fluids以Christian Louboutin一系列經典鞋履命名，秉承Christian Louboutin先生的美妝理念 — objet d’art，包裝真的非常精美！外表奢華又高貴，美到好似藝術品咁！呢支Christian Louboutin 唇釉為啞光霧面妝感，就等我嚟實測一下，睇睇呢款唇釉嘅質感、上色度、像真度同持久度如何，睇睇其內涵如何啦！

Text & Photo：TiffanyC (IG：_tiffanycc_)| Editor：AnGel S.  

Christian Louboutin經典紅持久啞光女王權杖唇釉 Rouge Louboutin Matte Fluids

價錢：$755 

色號：001F、006F、009F

實測Christian Louboutin經典紅持久啞光女王權杖唇釉 Rouge Louboutin Matte Fluids 

包裝： 5分 

像女王權杖嘅包裝設計未免太精美了吧！望落好奢華高貴，美到好似藝術品咁！

延伸閱讀：

【YSL Beauté 唇膏】全新The Slim Glow Matte絕色霧光唇膏 黑配玫瑰金搶眼又時尚

易塗度： 3分 

偏硬身的掃頭，沒有較尖的位置，不太容易勾畫到唇形，尤其係咁鮮色嘅唇色，比較容易畫出界，所以唇掃設計不太適合新手。

質地：4分

一搽上嘴好水潤易推，而且不黏笠，啱啱塗上嘴會好似lip gloss咁偏向水潤質地，等一陣間就會變成霧面妝效，喜歡佢霧面得嚟唔會覺得乾。

上色度：5分 

像真度：5分 

顯色度超高，輕輕一塗已非常飽和出色，瞬間變成啞光霧面妝感，望落有女強人feel (笑)。

滋潤度：3分 

比較一般潤澤類型的唇膏一定會感覺比較乾，如果乾唇女仔一定要先用潤唇膏打底，但在霧面唇釉嚟講，呢款Christian Louboutin經典紅持久啞光女王權杖唇釉係我嘴上還可以，唔會覺得乾。

持久度：5分 

持久度超級高，基本上飲水冇甩色，唔會沾杯，食完野都仲keep到8成色！

易卸度：2分

Christian Louboutin經典紅持久啞光女王權杖唇釉好long-lasting，唔算易卸，我用眼唇卸妝液卸左3次先卸得乾淨，建議大家要先用眼唇卸妝液敷60秒，然後再抹，會容易卸乾淨一點。 

總評：

Christian Louboutin經典紅持久啞光女王權杖唇釉 Rouge Louboutin Matte Fluids嘅顏色好啱秋冬，雖然佢質地唔算好滋潤，但係我嘴上還可以，唔會好乾，本身係乾唇嘅女生一定要先用潤唇膏打底，重點係呢款唇釉勁long-lasting，咁就唔驚甩曬色落口罩度啦！

延伸閱讀：

【Make Up For Ever 唇膏】秋冬必備霧面妝感唇膏 一秒化身唇掃繪出精緻唇形❤︎