Clarins全新[輕盈版]賦活雙精華DOUBLE SERUM LIGHT｜如雲朵般輕盈質感 清新觸感夏天首選精華｜iTRIAL用家分享
又嚟到轉季嘅時候，天氣又濕又熱，除咗衣櫃嘅衫要轉季之外，連護膚品都需要轉季。呢啲天氣比較需要使用一啲輕盈嘅護膚產品。
平時我喺比較乾燥嘅秋冬季節會用開Clarins皇牌Double Serum護膚，而家嚟到夏天，Clarins推出咗全新Double Serum Light 輕盈版賦活雙精華，當然佢保留咗皇牌雙精華配方功效，但有不一樣嘅清新觸感，較原有配方輕透清爽50%，如雲般輕透，超啱香港炎熱潮濕天氣，亦都適合混合性/油性肌膚嘅人士。
今次我呢位試用專員就實測一下新配方係咪咁輕盈但又保留到皇牌雙精華配方功效，以及係咪值得推薦畀大家喇。
Text & Photo: COEY C
實測 Clarins [輕盈版]賦活雙精華DOUBLE SERUM LIGHT
實測 Clarins [輕盈版]賦活雙精華DOUBLE SERUM LIGHT
價錢：$970/50ml
全新「輕盈版」賦活雙精華Double Serum Light 標榜「輕盈」、「清爽」、「無重感」
🔅比Double Serum 輕盈50%
🔅質感尤如雲朵般輕透，極快被肌膚吸收
🔅黃金配方2:1的水油配方
🔅揉合21種高效水溶性及油溶性的修護植物萃取
🔅5大細胞修護功效︰「再生、滋養、保濕、活氧及防禦」
🔅適合油性/混合肌膚，亦更適合香港潮濕炎熱天氣地區使用
產品實測部分
質地：4.9分
質地真係畀到我驚喜，水油配方比原本Double Serum版本輕盈好多，而且推開後好快滲入肌底被肌膚吸收，感覺一啲都唔油唔黏，仲好清爽舒適添！
吸收度：4.8分
今次做咗個小測試–「雲般輕盈大挑戰」，用嚟測一下係咪容易吸收同埋清爽唔笠。泵一小泵精華塗抹手背上，再灑上紙粒，即時見到效果，手背一啲紙粒都無黏住。證明咗精華係瞬間被肌膚吸收了，仲好清爽唔油唔笠添。呢款精華好適合不同年齡層及膚質使用，甚至男女都啱用。咁清爽嘅精華特別適合香港又炎熱又潮濕嘅天氣，以及混合性/油性肌膚的人士。
保濕度：4.8分
而家用水份測試機測試保濕度，清晰可見，使用前肌膚嘅水潤度係35%，使用後即時提升至59%。甚至過咗1小時後，肌膚都保持高水潤。
光澤度： 4.7分
緊緻度： 4.7分
大概連續使用了7日，整體肌膚比未使用前更有光澤，尤其是蘋果肌位置，毛孔有顯著地收細，而且緊緻咗唔少添。
總評：
春夏季節，我較喜歡Double Serum [輕盈版]同[原版]交替使用。而秋冬建議主要使用[原版]。
喺現時嘅春夏季，我朝早會使用[輕盈版]，氣味清新，亦都好易推開至全面。使用後，之後再化妝，整體妝容都好貼服且不會出現油笠感，比較清爽易上妝，妝效keep到大概半日有多都無脫妝情況。另外，推介一個使用小貼士畀大家，可以泵一小泵[輕盈版]再加粉底液攪勻使用，呢個方法更會令妝容更持久貼服㗎！
而晚上會使用Double Serum [原版，]點解？因為晚上通常都開冷氣，室內就變得比較乾燥。相對用番 [原版]滋潤性比較高一啲，對肌膚更好。一覺瞓醒，肌膚都keep到有彈性+水潤。
使用了[輕盈版]一段時間，畀我最深刻嘅印象係好清爽輕盈，做到不黏笠，但又可以幫到肌膚變得水潤有光澤感同收細毛孔。
姊妹們有冇心郁郁想試下呢？有興趣嘅朋友仔，由即日起至5月29日可登記到銅鑼灣Sogo popup store親身試用㗎，大家千祈唔好錯過吖！
4.75
