Curél 緊緻抗皺面部護理系列｜乾敏肌日夜抗初老呵護｜iTRIAL用家分享

隨著年齡增長，肌膚都開始有一系列問題，如乾燥缺水、細紋浮現，特別係法令紋同眼周細紋變得愈加明顯。呢啲肌膚狀況令我係化妝時常常感到好困擾，因為容易卡粉，浮粉問題都變得嚴重，加上天氣影響，敏感既肌膚更有泛紅狀況，除左整體妝容斑駁不堪令人灰心，底妝下既瑕疵同樣令人欲哭無淚，所以最近我開始重投 Curél既懷抱 。

Curél 作為專為乾敏肌設計兼日本 No.1* 敏感肌膚護理品牌，有唔同既產品可以針對當下我嘅肌膚需求。近日發掘到緊緻抗皺面部護理系列就係結合左「深層抗皺修復技術」以及「潤浸保濕 Ceramide 功能成分」嘅產品，配方更添加左「桉樹精華」，對於改善肌膚彈性同潤澤感非常有效。

而且Curél產品配方都非常溫和，無添加香料、酒精色素等，避免左刺激性成分影響，可以同時舒緩敏感狀態、深入滲透角質層並修復肌底彈性纖維，令纖維整齊排列，支撐並提升肌底彈性，所以使用後除肌膚彈性有改善、細紋減淡，素肌亦都變得可以見人。

*根據INTAGE SRI+ 2015年1月至2024年12月日本敏感肌膚護理產品市場累計銷售金額

Text & Photo: Doubel Yong ( IG: dou2le )

實測 Curél 緊緻抗皺化妝水 Aging Care Moisture Lotion

Curél 緊緻抗皺化妝水 Aging Care Moisture Lotion

價錢：$200/140ml

緊緻抗皺化妝水以獨特「深層抗皺修復技術」配合「植物性細緻肌膚成分」，有效修復彈性纖維令肌膚回復緊緻，加上高濃度可深入滲透角質層保濕配方——蘊含「潤浸保濕Ceramide功能成分」及「桉樹精華」，即時為肌膚帶來水潤感，持久滋潤，令肌膚於乾燥環境中依然可以保持水潤飽滿。

產品亦通過臨床抗皺測試，証實有效於8星期提升肌膚彈性、減退皺紋及細紋，而且用後肌膚明顯更容易吸收水凝乳霜或滋潤面霜，令緊緻成分發揮更大效果，肌膚感覺更柔滑與細嫩。

質地： 4.5分

化妝水係輕盈啫喱質地，使用時潤滑且易於推開。而且可以迅速被肌膚吸收，不黏膩又滿滿水潤感。
 

實測 Curél 緊緻抗皺水凝乳霜 Aging Care Moisture Gel-Cream

Curél 緊緻抗皺水凝乳霜 Aging Care Moisture Gel-Cream

價錢：$280/40g

緊緻抗皺水凝乳霜同樣結合獨特「深層抗皺修復技術」以及「植物性細緻肌膚成分」，可以由眼周、唇邊以至全面修復肌底彈性纖維；亦都含「潤浸保濕Ceramide功能成分」及「桉樹精華」同時修復鎖水屏障及長效保濕。

水凝乳霜係輕盈清爽保濕配方，同樣通過臨床抗皺測試，証實有效於8星期提升肌膚彈性、減退皺紋及細，提升肌膚回彈力。

實測 Curél緊緻抗皺滋潤面霜 Aging Care Moisture Facial Cream

Curél緊緻抗皺滋潤面霜 Aging Care Moisture Facial Cream

價錢：$280/40g

緊緻抗皺滋潤面霜包含「潤浸保濕Ceramide功能成分」及「桉樹精華」既高濃度保濕配方，深層滋潤讓肌膚回復高密度水潤狀態，結合獨特「深層抗皺修復技術」以及「植物性細緻肌膚成分」，可以由眼周、唇邊以至全面修復肌底彈性纖維。

推薦乾敏肌使用！
 

產品實測部分

質地：4.7 分

Curél 緊緻抗皺水凝乳霜同滋潤面霜各有其獨特之處，適合唔同護膚需求。水凝乳霜以輕盈啫喱質地著稱，推開時非常柔滑，可快速被肌膚吸收，使用後感覺清爽水潤，絕不黏膩，所以特別適合潮濕或炎熱天氣下使用。而佢既保濕效果可以令肌膚瞬間感受到滋潤，又同時唔會有負擔感。

相比之下，滋潤面霜質地更為豐盈，含有高濃度保濕成分，會令乾燥肌膚即刻恢復水潤感。雖然佢質地較厚重，但依然保持良好推開性，輕輕一抹便能均勻塗抹，感覺都唔油膩，反而可以長時間鎖住水分，令肌膚感受到持久滋潤。
 

即時保濕度：4 分

即時保濕度以緊緻抗皺化妝水配合滋潤面霜作測試，晚上潔面後肌膚含水量低至25%，試用後水分即上升差唔多一倍至42%。而且滋潤面霜深層滋潤功效特別適合晚上用，第二朝係感受到成功有效鎖住水分、不繃緊。

改善細紋度：4分

連續使用７日，同樣以化妝水分別配合白日用水凝乳霜、晚上用滋潤面霜，肌膚整體質感變得更加光滑，乾燥部位都唔再咁明顯。而最肉眼可見效果係肌膚變得彈性增強，因為毛孔粗大問題有逐漸淡化趨勢，令臉部水潤度與光澤感提升，望落更加年輕有活力。

緊緻提升度： 3.8分

而且因為兩款面霜展伸性非常好，所以都好推薦配合按摩手法用，除左可以促進血液循環，仲會進一步提高產品吸收效果。

係每天護膚過程中，我會特別針對眼周、下顎及蘋果肌進行輕柔推拿，打圈及由下往上提拉動作仲可以令臉部輪廓變得明顯。

總評︰

連續使用Curél緊緻抗皺系列後，水潤感提升，令妝感貼服左唔少，至少卡粉或顯紋理情況已經唔再出現，令肌膚望落來更加平滑，而且底妝亦更持久，無起屑現象，短時間內既改善令人愛不釋手。

當然使用步驟亦都好重要，單用水凝乳霜或滋潤面霜效果亦都好好，但先用緊緻抗皺化妝水打底，效果會更令人驚豔，仲受日本皮膚科醫生推薦^，所以全系列支持閉眼入手。

^ 88.7%認識Curél的醫生曾推薦（受訪人數：107）KAO 2021年委托第三方調查