【Dewytree 潔面乳】深層清潔又保濕 洗出韓國女生的BB肌

雖然呢段時間大家都少咗出街，但唔好唔記得每日都要勤力潔面，潔面同埋潔面！來自韓國嘅護膚品牌Dewytree保濕潔面乳，用咗白樺樹液天然成分，白樺樹液又稱為「神奇的樹水」，是從白樺樹中提取出來的一種無色或微帶淡黃色的透明液體，具有美白、保濕、祛痘、抗氧化、舒緩抗敏、抗衰老6大功效，能改善多種肌膚問題和增加肌膚彈性。呢支Dewytree白樺樹液保濕潔面乳仲通過咗低刺激皮膚測試架，連敏感肌都啱用，iTRIAL美評即刻為大家試用實測。

Text & Photo: Cass (IG：cwanyin_) | Editor：AnGel S. 
  

Dewytree 白樺樹液保濕潔面乳 The Clean Lab Healthy Foam EX

價錢：$99/150ml

實測Dewytree 白樺樹液保濕潔面乳 The Clean Lab Healthy Foam EX

質地：4.5分 

講得深層清潔，我以為Dewytree保濕潔面乳嘅質地會好似乳膠咁有拉絲效果，但原來質地好似cream，好易推，加水後會有細膩泡沫。

氣味：5分 

我聞咗好幾次，感覺係好淡、好淡、好淡的茶樹油味，但老實講，真係淡到冇乜味，怕香味既人可以放心了，亦感覺夠晒天然。

潔淨度：4分 

將呢支Dewytree 白樺樹液保濕潔面乳加少少水搓到起泡，再放上臉按摩，比我想像中更舒服，似用緊洗面奶既感覺，但又有清潔力，過水後，好似冇晒啲多餘油脂同老廢角質咁，而且唔會澀眼。

Before 水份：39.1%；油份26.1%

After 水份：61.8%；油份19.7%

保濕度：5分 

其實我以為洗完臉皮膚會感覺少少乾，但水份測試機竟然升左22%（仲測咗幾次）😂　而且潔面後嘅皮膚望落真係白淨咗！

總評：

我覺得呢支Dewytree自顏源露白樺樹液保濕潔面乳CP值很高呢～

溫和之餘又有一定嘅清潔力，又保濕又能提亮肌膚，低刺激配方絕對啱我地呢啲敏感肌，乾性肌/混合肌也可一試。

價錢亦都好親民，呢個價錢有咁既效果，絕對抵買😘！