Dior 恆久貼肌修飾遮瑕膏｜神級遮瑕 偽素顏及化妝新手適用｜iTRIAL用家分享

近期work from home 令好多女仔都好大壓力，除咗少咗出街透氣，連放Lunch周圍去食吓抖吓既機會都無! 仲要有時屋企要ZOOM meeting，一諗起要見人但又懶得化妝點算好？Dior恆久貼肌修飾遮瑕膏 - 令到女士們都尖叫式推薦話好好用! 呢枝遮瑕膏貼肌既質地，一搽上面就同肌膚馬上貼合，就算5分鐘後要馬上ZOOM MEETING 都無有怕! 馬上實測一下呢枝神級遮瑕膏!

Text & Photo: Yena 依娜  (IG：Yena_Kaman)

實測 Dior 恆久貼肌修飾遮瑕膏 Forever Skin Correct

Dior 恆久貼肌修飾遮瑕膏 Forever Skin Correct

價錢：$375/ 11ml

色號: 2 Neutral 

產品介紹：

 Dior研製出恆久貼肌修飾遮瑕膏，24小時*全效極致修護肌膚及遮瑕。只需輕輕一揮，這款多功能遮瑕膏即能隱沒黑眼圈、局部泛紅和瑕疵，完美貼合在肌膚表面而不起乾紋，底妝從早到晚保持完美無瑕。
此遮瑕膏通過皮膚科醫學測試，不會造成粉刺。
*20位試用者的儀器測試結果。

產品實測

質地易推度：5分

唔好睇佢細細枝得11ml， 拎好少出黎已經夠搽，好細力已經好易推又唔厚身，可以想推到有幾薄都可以!

遮瑕度：4.7分  

煲劇得返來既黑眼圈，薄薄搽上一層已經遮咗8成，想完美既話薄薄搽多一層已經完全消失! 

保濕度：4.9分

保濕度極高，搽一層已經好貼面，如果皮膚好既女士，唔洗用粉底直接上粉餅就得! 上粉後已經完全同粉餅合為一體。

持久度：5分  

由朝早9點起身上妝直到出去食埋hightea，返到屋企5點鐘除低口罩，除左T字位有出油，眼睛仍然保持完美狀態。

總評：

質地易推度極高，好適合化妝技巧一般既女士，遮瑕度高而且貼肌，只需要局部遮暇就可以直接上粉餅或碎粉，連粉底都可以慳返! 如果好似我咁眼附近周圍比較乾既女士，因為遮暇膏保濕度高，遮瑕後都唔見有乾紋呀，屬於性價比高的產品。