Espoir Pro Tailor Be Velvet Cover Cushion｜春夏天超推的氣墊粉底｜iTRIAL用家分享

超推Espoir持久絲絨啞緻無瑕純素氣墊粉底!!親身由4月到7月實測用左3個月，經過左春天到夏天呢個時段我都日日用緊呢個cusion~今個夏天比以前更濕笠炎熱，但作為敏感混合肌的我，效果係非常持久，遮瑕度高，佢本身會自帶Matte的妝感，但唔會起乾紋，亦都唔會有好侷促的感覺，又貼又薄，我自己的用法是局部眼底、T字位先會落碎粉，因為落太多碎粉覺得會影響佢既妝感同埋會帶走左一D粉底，雖然香港天氣潮濕，唔落碎粉的位置都可以keep到全日!
 

Text & Photo: Waiyi

實測 Espoir持久絲絨啞緻無瑕純素氣墊粉底

Espoir持久絲絨啞緻無瑕純素氣墊粉底

價錢：$188 (連補充裝)

產品實測部分

質感：4.5分

雖然佢遮瑕度比較高，但比較輕薄貼服，容易推開，保濕度恰到好處。
 

妝效：4.5分

雖然對於韓國品牌的cusion普遍印象會覺得好笠，但佢可以做到啞光同時帶輕霧妝效，但眼底我會建議局部加碎粉，減低眼妝化開既機會。而且佢既顏色好貼近我膚色(03 Petal顏色)，用完會好似有自然好肌膚的感覺!

遮瑕度：4.8分

遮瑕度屬於中上，可以遮到面部八成既瑕疵，我自己用完佢一般冇嚴重暗瘡都可以唔用遮瑕膏，而且黑眼圈都可以遮到一半的色素，我自己黑眼圈比較嚴重，就會額外再用遮瑕膏疊加。
 

透氣度：4.5分 

圖中的照片係我冇用任何碎粉狀態下去跳舞的，跳完舞整體都可以保持妝容，可以keep到七成妝容，就算出左好多汗都唔會有好乾或者好笠的感覺，感覺非常舒服、透氣。
 

持久度：4.8分

圖中的照片係跳舞後的妝容，整體都可以保持妝容，如果平日不運動都可以達到全日持久~
 

總評

產品係各方面不論係質感、妝效、持久度、瑕瑕力都好滿意!簡直係一款「全能」的氣墊粉底!係局部眼底、T字位落碎粉時我會輕輕用掃印上去，而唔好掃開，避免帶走粉底，更可以令妝容更加持久。非常推薦大家春夏天都可以使用!