Estée Lauder 微精華活膚原生液｜一抹舒緩 多抹長效保濕，重拾原生膚質｜iTRIAL用家分享

相信好多皮膚薄嘅讀者同我一樣，即使做足護膚程序、勤敷面膜，肌膚水份都好易同好快就流失，仲郁啲就敏感泛紅，對於我地呢類膚質，「屏障鎖水、保濕、舒緩」呢啲字眼聽到都覺得舒緩，所以一知道Estée Lauder 微精華活膚原生液有齊呢啲功效，仲以雙重屏障的形式修護並鞏固肌膚屏障，幫助鎖水及對抗刺激，真係急不及待舉手要試。

Estée Lauder 微精華活膚原生液分別有：微精華活膚原生液 (中性至乾性肌膚適用）以及櫻花微精華活膚原生液（混合性至油性肌膚適用），所以今次會左右兩邊面分別去試以上2款產品，使用7天，兩邊面都有所改善，詳情請見下文。

Text & Photo：Reese(IG: reesemakeup__)

實測 Estée Lauder 微精華活膚原生液 Micro Essence Treatment Lotion with Bio-Ferment

Estée Lauder 微精華活膚原生液 Micro Essence Treatment Lotion with Bio-Ferment

價錢：$510/100ml ; $930/200ml

產品介紹：

Estée Lauder 微精華活膚原生液專為亞洲女士研發，全新獨家後生元 12+及高效生物活性乳酸菌攜手幫助鞏固肌膚的物理及生物動力屏障，對抗顯著泛紅及刺激，打造穩定健康肌膚。全新2D透明質酸複合物為乾性肌膚提供持續24小時長效保濕，收細由乾燥造成的粗大毛孔及減淡缺水形成的細紋。

日常使用：以拍打方式將微精華注入肌膚，共拍3次，每次拍打吸收後再重疊使用。

急救濕敷：睡前水膜濕敷，以化妝棉浸透微精華，濕敷在額頭、雙頰和下巴5分鐘，瞬間吸收，可細緻毛孔，防止痘痘閉口。

妝前輕拍：妝前輕拍，調節水油平衡，持久水潤，妝容貼服持久。

產品實測部分

質地易推度：5分

正如其名，Micro Essence份子細而且是水狀，不論用cotton或用手以拍打方式，都好易推。

清爽度：4.5分

保濕效果唔算好強，但清爽度十足。有感覺到產品嘅降溫效果，涼涼哋幾舒服。

滲透度：4.5分

質地好易吸收，唔會笠，我皮膚比較乾，每次會重疊拍打5次，都可以吸收晒。

光澤度：4分

早晚使用微精華7日，光澤感稍稍提高，膚色均勻咗，降紅情況理想。

毛孔細緻度：4分

成分有citric acid，可幫助新陳代謝，皮膚較上星期柔滑，毛孔情況有少少改善。

實測 Estée Lauder 櫻花微精華原生液 Micro Essence with Sakura Ferment

Estée Lauder 櫻花微精華原生液 Micro Essence with Sakura Ferment

價錢：$510/100ml ; $930/200ml

產品介紹：

和微精華活膚原生液不同的是，“櫻花版” 的原生液是經人手採摘嘅日本岩手縣櫻花，以發酵得來的櫻花酵素提升肌膚剔透度和平衡水油。全新雙重海藻成分，有效控油及顯著減少油性肌膚的毛孔可見度，減淡暗瘡印，特別適合油脂分泌較多嘅位置使用。

只需使用一次，肌膚感覺鎮靜舒緩及降溫，即時對抗顯著刺激及泛紅，煥發水晶般剔透光采。

日常使用：以拍打方式將微精華注入肌膚，共拍3次，每次拍打吸收後再重疊使用。

急救濕敷：睡前水膜濕敷，以化妝棉浸透微精華，濕敷在額頭、雙頰和下巴5分鐘，瞬間吸收，可細緻毛孔，防止痘痘閉口。

妝前輕拍：妝前輕拍，調節水油平衡，持久水潤，妝容貼服持久。

產品實測部分

質地易推度：5分

覺得Sakura再薄身一啲，爽身啲，我早晚直接用濕敷嘅方式。

清爽度：4分

Sakura確實比較適合偏油肌膚使用，用濕敷的方式會較適合油肌使用，亦都十分清爽唔笠。

滲透度：5分

吸收得比微精華活膚原生液仲快，一搽就無晒，非常清爽，鍾意 light texture/油脂分泌較多嘅一定好鍾意。

光澤度：4分

油脂分泌進一步減少，透明感有所提升，降紅效果理想。

毛孔細緻度：4分

目測鼻側暗粒明顯少咗好多，膚質較上星期細緻。

總評︰

微精華活膚原生液雖然係水狀，但絕對唔係一支爽膚水/化妝水，佢係一支精華水，軟化角質並唔係佢嘅主要功效，而入面嘅護膚成分能幫助強化肌膚，使用7天，2款嘅降紅效果都好理想，微絲血管冇咁現，用藍色微精華活膚原生液嘅左邊面會較柔滑亮澤，用櫻花微精華活膚原生液嘅右邊面就有種膚質好乾淨嘅感覺。我嘅肌膚屬於缺水敏感，所以藍色微精華活膚原生液會較得我歡心，比較潤啲，中性乾性肌膚我都會建議揀呢款，勤力用會睇到肌膚多咗光澤感同飽滿度；粉紅色櫻花微精華活膚原生液對我嘅皮膚嚟講太爽，但暗粒嘅改善度會較明顯，角質易堆積/偏油/喜歡清爽質感嘅讀者，用呢款會非常合適。