Estée Lauder 升級再生基因修復精華｜一瓶拯救疲倦肌膚 熬夜必備｜iTRIAL 用家分享

平時讀書成日溫書溫到好夜，而且壓力大，休息唔夠。一去到呢啲時候，皮膚就會超級唔穩定，好容易就會生暗瘡，啲暗瘡又紅又腫，而且捱夜之後皮膚會變得暗啞無光澤。所以真係好需要一支全能嘅修復精華，穩定皮膚嘅狀態，令皮膚望落冇咁疲倦。今次就同大家實測一下Estée Lauder 全新升級再生基因修復精華，睇吓佢嘅效果如何～

Text & Photo: Letty Leung (IG：ching.review)

實測 Estée Lauder 升級再生基因修復精華 Advanced Night Repair

Estée Lauder 升級再生基因修復精華 Advanced Night Repair

價錢：$890/50ml；$1,140/75ml；$635/30ml；$420/20ml

產品介紹：

升級再生基因修復精華能夠令皮膚極速修復，讓肌膚達致光澤、細嫩和彈滑的效果，改善皮膚暗啞。同時能夠加速減淡細紋，收細毛孔，令皮膚更加緊緻，預防老化。

產品實測部分

質地／易推度：4.5分 

帶有一點濃稠度的精華，在皮膚上推開後，頗快就會被完全吸收，之後再用其他護膚化妝品，亦不會起擦膠碎。

Before:

After

滲透度：5分 

精華上臉後容易被吸收，而且吸收後不會油膩黏笠。秋冬天氣乾燥時，將精華混合護膚油，能夠提升滋潤度的同時，亦能夠加快護膚油被皮膚完全吸收的速度。

保濕度：4.5 分  
滋潤度：5分

能夠即時滋潤乾燥皮膚，保濕力亦都夠持久。混合肌/油性肌膚在夏天可以選擇只在晚上使用。

光澤度：5分 

去紋度：4.5分 

能令法令紋減淡一些，亦能夠去除臉部黃氣，特別是在熬夜後皮膚依然能夠保持有光澤，而且使用後毛孔亦有變得更細緻。

總評：

自從用咗呢一支精華之後，皮膚嘅狀態穩定咗好多。考試果段時間雖然都會生壓力瘡，但係數量少咗好多，而且用完呢隻精華之後啲暗瘡亦都快啲凋謝、快啲好返。就算好夜瞓，第二日起身皮膚都唔會變得好暗沉。我係屬於敏感性皮膚，用呢一支精華完全冇敏感，保濕力亦都足夠。總括嚟講，呢支精華除咗可以修復受損皮膚，亦能夠穩定肌膚狀態，改善皮膚質感，效果唔錯，推薦大家試下～