Ettusais 深邃雙色眼影｜迷人深邃大眼法寶 輕鬆上色 妝效持久

平日化妝，我最注重嘅係眼部嘅妝容！因為我眼皮下垂，眼又唔夠大，唔化妝就會好無精神！所以我化嘅眼妝都比較偏向濃同深色！

今日想同大家推薦我近期用緊嘅Ettuasis EYE EDITION (COLOR PALETTE) 深邃雙色眼影01 Burgundy Brown 酒紅啡，唔單止易上色，包裝亦非常輕巧精美。

Text & Photo：Hailey Chan (IG: Haileyfish.c)

實測 ettusais 深邃雙色眼影 Eye Edition (Color Palette)

ettusais 深邃雙色眼影 Eye Edition (Color Palette)

價錢：$115/3g 

呢款雙色眼影，以亮澤與啞緻呢2種質感，營造深邃美瞳，打造自然亮大眼妝！眼影組合包括兩隻顏色，分別係綻放柔滑光澤嘅「SILK COLOR」同啞緻暖色系嘅「CASHMERE COLOR」。

眼影揉合自然金色珍珠粉末，配搭唔同質感，營造深邃眼型輪廓，令雙眼bling bling 有神！

成分方面，產品採用嚴選原材料，不含香料，揉合修護成分：角鯊烯、祖祖巴油，化妝同時可以護膚，咁就唔怕出眼紋啦！

質地／易推度／顏色：4.5分

呢款眼影質地滋潤柔滑，貼服眼瞼，非常易推，輕輕一抹已非常顯色。

上色度：4.5分

像真度：4.2分

一隻好用嘅眼影一定要夠貼同埋易上色，輕輕塗幾下已經上色，呢款眼影塗一層已經好顯色，顏色偏深同實色。

化了眼妝數小時後的效果

持久度：4.1分

妝效非常之持久，返成日工都可以keep 到唔甩色！唔洗補妝

用沾取了卸妝水嘅化妝棉抹一下眼妝，能卸到大部分眼影

易卸度：4.8分

唔好以為佢好貼就會好難卸，我用卸妝水輕輕一抹已經卸左90%，再抹多一次就完全卸走了。

總評：

整體黎講，我非常喜歡化出嚟嘅妝感，顏色時尚易carry，cashmere color 令雙眼睇落更大！非常推薦大家使用呢！

使用方法：建議可以指尖或眼影棒塗抹。首先將SILK COLOR塗抹於整個眼窩，然後再將CASHMERE COLOR於眼瞼眼尾邊緣暈染。雙眼即時變得bling bling 有神！