【Etude House 眼影】性價比之選 全新9色眼影盤 Chilly Moon試色來了！

Etude House 全新推出9色眼影盤Play Color Eyes，分別有以日為題的鬱金香盤及以夜為題的星月夜盤。鬱金香盤係走一個比較甜美、偏粉蜜桃色系的路線。而以夜為題嘅星月夜盤就係走一個比較有個性、有女人味、偏紅棕色系的風格。

下面我會同大家測試下星月夜盤的顯色度、上色度、實用度及易卸度！

Text & Photo: Tiffany Tsoi (IG:@your.beautyteller) |Editor：AnGel S.

Etude House 星月夜盤 9色眼影 Play Color Eyes 

價錢：$230

色號：#Chilly Moon

實測Etude House 星月夜盤 9色眼影 Play Color Eyes #Chilly Moon

包裝：

今次Etude House眼影盤的包裝主色偏啡，配返眼影色系。細細盒，約手掌大小，無論放係屋企定帶出街補妝都好方便！

延伸閱讀：

【KATE 眼影胭脂】同調六色眼彩盤超方便易用 推介化妝新手必買！

粉質：3.5分

上色度：3.5分

眼影質素中等，易推，不會結塊，可惜上色效果不平均。珠光閃色比啞色粉質順滑，顯色度亦都高啲，延展性也相對比較好。

實用度：4分

眼影盤由啡銅、金及紅色調眼影組成，上色度中等，實用性幾高。有適合日常上班上學用嘅大地色系，亦有適合化去約會或去玩用嘅比較搶眼嘅妝。對於間唔中都會化特別色系眼妝嘅朋友黎講呢個Etude House眼影盤係唔錯嘅選擇。

易卸度：3.5分

大部分顏色用眼唇卸妝液輕輕一抹就落到8成，但比較sharp嘅眼影顏色就難卸啲，要抹多幾下先可以卸乾淨。

總評：

Etude House眼影一向都係行性價比路線，眼影質素雖然唔算好高，但以呢個價錢黎講已經好唔錯。而且實用性幾高，同埋近年都流行偏紅棕色嘅眼妝，佢一盤就可以化出唔同風格嘅妝容。總括來說，我覺得呢盒眼影盤係平價之選，學生或化妝新手可以考慮入手。

延伸閱讀：

【Lunasol 眼影】簡單一抹 夏季閃鑽光輝眼妝與光影