【Excel 粉餅】全新絲感輕羽美肌粉餅登陸香港 夠輕薄又控油嗎？

又到了用粉餅既季節，突然諗起第一篇實測評價文都係試粉餅😆剛好一年前呢～

夏天最怕厚妝感，為左要打造「偽素顏」，各大品牌都出左唔少控油粉底及粉餅～

雖然個人一直比較鍾意用濕粉😛，但一齊來睇睇今次Excel推出既絲感輕羽美肌粉餅 Featherize On Powder (香港莎莎Sasa、@cosme store 及 Don Don Donki hk 有售)好唔好用，做唔做到夏日素肌感，有冇為我地帶來驚喜啦💜！

Text & Photo: Cass (IG: cassswy) | Editor: AnGel S.

實測Excel 絲感輕羽美肌粉餅 Featherize On Powder 

價錢：$209 (全4色) ; $149 (refill only)

色號：FO01（共4色）

點擊查看 Excel 絲感輕羽美肌粉餅 Featherize on Powder 更多評價

延伸閱讀：Excel 裸色深邃眼影 Skinny Rich Shadow 評價

質地：4分

粉質好輕薄，完全冇焗促感，顏色都好亮白，粉撲好軟熟。

但好顯紋，可能手背太乾吧，用粉餅都係要做好妝前打底⋯⋯ 

貼服度：3分

雖然包含左4種美容精華油︰角烷鯊、乳木果油、杏子油及荷荷巴種子油滋潤肌膚，令妝容更持久貼服。

但身為乾肌朋友既我依然有點失望，一塗上面，面頰已經好顯毛孔，要出門一陣先可以溶入肌膚。雖然睇落乾，但膚感又唔乾（有點神奇👀）

遮瑕度：3分

始終粉質超透薄，但遮瑕方面都遮到7成，所以是可接受的，而且我重點係想均勻返膚色，佢都做到。

但想做到偽素顏有點難度，有可能是01色有點太白了，加點胭脂會比較自然～

粉餅添加了控油同調色配方，有效吸油脂，防暗啞，帶妝整天零負擔。

總評：

我會繼續用佢，對我來說，用來補妝比較適合，T字位有時會有少少油，佢會非常岩用。

整體其實算唔錯，價錢不貴，如果想妝感輕盈可以選擇佢，亞洲女生揀02色自然膚色大概就沒錯吧😬