【FIRST AID BEAUTY 面霜】敏感肌濕疹肌都啱用 爭住搶購嘅強效保濕修復面霜

FIRST AID BEAUTY以clean beauty為本， 上年登陸香港後大受好評，我一直心思思想試！

全因爲佢係敏感同濕疹肌都可用嘅護膚品牌，冇人造香料、色素同酒精。

今次呢款強效保濕修復面霜 Ultra Repair Cream係美國嘅熱賣產品，依家終於可以係香港買到，真係好期待快d試用呀！面霜加入了膠體燕麥粉，係獲FDA認證護膚品成分，可以紓緩因濕疹、紅疹和其他肌膚問題引起的痕癢和輕微過敏症狀，一齊睇下佢嘅功效如何吧！

Text & Photo: Cass (IG：cwanyin_) | Editor：AnGel S.
 

FIRST AID BEAUTY 強效保濕修復面霜 Ultra Repair Cream

價錢：$269/170g

實測FIRST AID BEAUTY 強效保濕修復面霜 Ultra Repair Cream

(由左至右) A：厚敷 ；B：2-3層；C：薄薄一層

質地：5分

睇落好似好rich咁，但搽上手好舒服，係好滑又快吸收嘅軟膏質地。

搽咗2-3層都冇好油或好笠嘅感覺，可以根據皮膚當下嘅狀況去自行調節用量，

C：平日可以就咁薄薄搽一層作日常保養。

B：偶爾肌膚比較乾時，可以搽2-3層去加強滋潤皮膚。

A：如果皮膚出現甩皮或者紅腫嘅情況，就可以好似上圖咁，用多一點份量厚敷一陣。

即時保濕度：3.8分 

如果只係講即時保濕效果，水份升幅係好多產品都可以做到即時既效果，但我俾佢4分，係因為除了保濕外，呢款FIRST AID BEAUTY 強效保濕修復面霜仲減低咗我皮膚痕癢嘅感覺！

滋潤度：4分 

經過咗大約2-3個鐘後再測一次水份，感覺滿意。冇太大嘅落差，皮膚依然好似有層保護膜保護咁，但完全冇油光感。

總評：

CP值很高，FIRST AID BEAUTY 強效保濕修復面霜保濕鎮靜效果出色，一大瓶只係$269！男女老少、所有膚質都啱用，而且仲可以用足一年四季，超抵，轉季必備！
想送禮俾姐妹唔知買咩，呢款一定啱，我仲好有興趣試埋佢地其他產品！