【Giorgio Armani 唇釉】啞色不等於乾！細滑無瑕的Matte色唇釉 |iTRIAL美評

作為懶惰嘅女仔，身邊必定會有一堆唇膏傍身，就算唔化妝，搽番個靚唇膏就即刻成個人精神曬～ 仲成日比人問：「你今日化左妝啊？」所以對於我黎講，一支靚同好用嘅唇膏係非常重要，話曬要一支唇膏carry曬我成個樣喎！今日就為大家實測一下Giorgio Armani新推出嘅Lip Maestro Matte Nature 絲絨啞亮唇釉自然柔霧系列，聽講啞色得黎仲會有絲絨柔滑嘅效果，睇下今個秋冬會唔會寵幸佢啦～

Text & Photo：肥波 (IG:vivienneballman) | Editor: AnGel S.

價錢：$285

色號：#206 柔霧紅茶色 Cedar &  #415 柔霧楓葉紅 Redwood

賣點：添上 6 款全新知性自然色彩，由清新微暖的奶茶粉紅，以至成熟熱情的柔霧紅茶色，全面打造啞緻絲滑的明豔妝效。

點擊查看產品資料

實測Giorgio Armani Lip Maestro Matte Nature 絲絨啞亮唇釉

#206 柔霧紅茶色 Cedar

 #415 柔霧楓葉紅 Redwood

上色度：5分

易推度：5分

絕對有驚喜！本身以為呢一款唇釉主打matte色，啞面感覺會好結噠噠好難推，點知搽上嘴既時候非常上色，同埋好易推開～ 成個人個樣即刻精神左10倍！

持久度：5分

過左6個鐘之後依然keep到好重顏色係嘴度～ 絕對啱曬我依d超懶唔會成日補嘅女仔，如果返工多野做或者上幾個鐘堂，都可以輕鬆保持到最佳嘴唇示人啊！

易卸度：2分

絕對係超難卸～ 我首先係手上面用兩隻唔同顏色畫左兩條唇膏痕，之後分別用乾棉花（上）同濕棉花（下）嘗試抹甩唇膏！輕輕抹左兩下之後，發現啲唇膏印仲係好深色留左係手度，之後我再用卸妝濕紙巾大大力捽先卸到～ 

總評語：

唔好以為唇膏液/唇釉就好易甩色啊～ 依隻絕對好似幫嘴仔紋身咁咁持久！上嘴效果無想像中咁matte咁霧面，不過勝在望落個嘴好飽滿，輕鬆打造sexy小嘴啊～