【Guerlain 粉底液】超強Before &After！不傷皮膚的L’essentiel粉底液！| iTRIAL美評

轉季啦〜護膚品化妝品當然要跟著轉季！！今年二月Guerlain新出全新L’ESSENTIEL祼光絲柔精華粉底液，主打透氣自然、保濕、透氣等功效！以前用過同牌連范冰冰都推嘅保濕底霜好好用，所以今次我超級期待！就等我哋iTRIAL美評試吓佢好唔好用啦?

Text:吉吉gutgut (IG:katiekwongxx) | Photo:吉吉 & Jacy Yip

GUERLAINL’ESSENTIEL祼光絲柔精華粉底液

價錢：$490 (全10色)/ 30ml
平均價錢：$16/ ml

GUERLAINL’ESSENTIEL祼光絲柔精華粉底液實測

這次試的色號是01N

質地：

質地超級水潤、你可以見到粉底係流身的，好易推，推起來感覺好水！同我想像中好唔同！而且不厚，好滑好冶癒?這款粉底液一共有十隻色比大家選擇，包括暖、中性或冷色調，可以去專櫃叫BA幫你試到啱色為止?

膚色提亮度：5分

大家應該好明顯見到上粉底液前後嘅分別?膚色即時均匀咗好多，提升膚色之外柔化了皮膚！粉底液不是matte finish，帶有自然的光澤感，肌膚會有透亮感，一秒有奶油肌的感覺?✨

遮瑕度：4分

中高嘅遮瑕度，雖然唔可以一層就遮掉所有瑕疵，但可層疊加強遮瑕度！疊加後，瑕疵遮掉8成！如果想有完全無瑕嘅妝感，比較深的痘印或黑眼圈就要再用瑕疵膏啦?

毛孔修飾：4.5分

雖然我毛孔不算粗大，但超多黑頭，希望唔好嚇親大家?黑頭明顯被遮掉了！而且毛孔粗大的位置大致上也能修飾好，毛孔變得平滑〜

持久度：3.5分

因為我係混合肌關系，出油嘅問題一向嚴重，所以用左大約五個鐘之後就開始出油同有小小浮粉，不過印走之後都唔會有好焗或唔舒服嘅感覺? 如果你係中性／乾性皮膚的話，我相信會幾適合你，夠保濕！

總評語：

呢枝GUERLAINL’ESSENTIEL祼光絲柔精華粉底液我都好滿意?係提亮、無論係柔化效果、遮瑕度同毛孔修飾力表現都很好！最值得讚係佢地加入咗護膚成分，即使我上妝全日，都無生暗瘡或油脂粒，皮膚都無變差?！！！只係控油度同持久度扣左小小分〜但我都依然建議大家入手一支，特別係中性／乾性皮膚?