IT cosmetics 眼部極致遮瑕膏 | 一枝KO陳年黑眼圈 貼服自然且持久度高

遮瑕膏對我黎講係極之重要嘅一樣野，因為自己本身眼袋同黑眼圈太嚴重，所以一直都好想試下IT cosmetics Bye Bye Under Eye 眼部極致遮瑕膏 。呢枝係一枝多功用遮暇膏，除咗可以有效遮蓋眼部瑕疵，仲可以遮色斑、暗瘡印，咁好用嘅遮暇膏當然要實測下啦！ 

Text & Photo: Ms K (IG：ms_k_xoxo)

實測 IT cosmetics 眼部極致遮瑕膏 Bye Bye Under Eye

價錢：$220/12ml 

試用色號：13.0 Light Natural / 20.0 Medium

產品特色：

Bye Bye Under Eye™ 眼部極致遮瑕膏有多種不同色調，好容易搵到適合自己膚色嘅色調。有水解膠原蛋白、透明質酸及抗氧化劑等親膚成分，持久度高，有效保持24小時完美遮瑕，可以令肌膚散發明亮，保持水潤光彩。

質地：4.4分

膏狀質地，質地豐盈，但不算厚重。好易推開，而且推開時感覺到好水潤，唔會擔心太乾顯眼紋嘅情況出現。

防水度：4.7分 

防水度高，好持久，就算浸落水都唔會化開，好清楚見到水珠保留係遮瑕膏上，遮瑕膏亦都冇脫落，效果唔錯！

遮瑕度：4.8分

遮蓋能力好好、就算我頑固黑眼圈一搽都已經9成遮蓋，而且滋潤度高，好貼服，持久力高。塗上一層後，色斑也可以遮蓋到。
 

貼服度：4.7分

順滑易推，貼服自然，好易就遮蓋黑眼圈，夠滋潤，唔會出現浮粉、乾紋嘅問題。

持久度：4.6分

持久度高，遮瑕效果可以保持一整日，基本上唔需要補妝，亦都無氧化問題，效果好好

總評：

試用完呢枝眼部極致遮瑕膏之後真係一試愛上，真係好適合好似我呢啲黑眼圈特別勁嘅人，果然係一枝針對眼部肌膚而設嘅遮暇。遮暇度高之餘夠滋潤，唔會顯乾紋，貼服自然而且持久度高，出街一整日都保持到，推介大家真係要試吓！