IT cosmetics 眼部極致遮瑕膏 | 全能多用途遮瑕膏 防水防汗不脫妝

最近聚會Party嘅場合好多，成日都夜訓，搞到皮膚多左好多小瑕疵需要遮蓋。IT cosmetics Bye Bye Under Eye™ 眼部極致遮瑕膏，一向口碑好，而且一物多用，無論遮蓋黑眼圈，色班及泛紅肌膚也有不錯的功效。我今次實測完，發現呢支遮瑕膏持久力強，就算外出一天也沒有問題，快啲黎睇下我嘅實測報告啦！

Text & Photo：奇雲 Karen

實測 IT cosmetics 眼部極致遮瑕膏 Bye Bye Under Eye

IT cosmetics 眼部極致遮瑕膏 Bye Bye Under Eye

價錢: $220 / 12ml

試用色號：13.0 Light Natural / 20.0 Medium

產品特色：蘊含注滿水解膠原蛋白、透明質酸及抗氧化劑等成分，除了可遮蓋黑眼圈外，亦可修飾問題，如泛紅，色班等。

質地：4分

遮瑕膏嘅質地比較偏杰及厚身，每次只需取少許份量，慢慢利用手指熱力推開，就可以和肌膚融合，達到遮瑕效果。

防水度：4.5分

先將遮瑕膏搽係手臂上，然後成隻手浸入水中，然後再把手抽出，手上的遮瑕膏表面掛有水珠，但完全冇掉色情況出現，防水度驚人！

遮瑕度：5分

使用前可以見到眼周部位有明顯嘅黑眼圈、色素重，眼角附近嘅色班及臉上小瑕疵好明顯，望落好唔精神。但使用後，上妝嘅顏色自然，唔會有厚重感，遮蓋左差不多九成，遮瑕度令我好滿意！

持久度：4.6分

帶妝出街一整天，就算同朋友打完邊爐後，妝容都冇溶掉或有乾紋出現，效果真係十分持久。但由於質地比較厚及杰身，落妝時就需要花多點時間，但整體都滿意。

總評：

整體而言，呢隻IT cosmetics 眼部極致遮瑕膏無論係遮瑕度、防水度、持久度都好令我滿意，而且價錢平民，CP值好高！如果當日要去行山或做運動，呢支遮瑕膏一定必備！唯一冇咁方便嘅一點就係卸妝要多花點時間，先可以落乾淨個妝，不過仍然好推介比大家使用！