【KOSE 防曬】Suncut防曬調色噴霧 限定櫻花版兼具調色功能

今日要測試既係夏天不可或缺既一樣東西——防曬！

今次KOSE COSMEPORT哩個SUNCUT 防曬調色噴霧SPF50+ PA++++(櫻花限定)有埋調色，仲全方位防曬用埋手腳都冇問題！

我同大家最擔心既都係易唔易甩、黏唔黏笠、要唔要卸妝？

哩啲都係其次黎，最緊要係產品冇礦物油、冇Paraben防腐劑。

咦，仲係低敏配方添架，敏感肌既我即刻為你做白老鼠🤣

Text & Photo: Cass (IG：cassswy) | Editor: AnGel S.

KOSE COSMEPORT Suncut 高絲防曬調色噴霧 (櫻花限定)

價錢：$99/ 90g

實測 KOSE COSMEPORT Suncut 高絲防曬調色噴霧 (櫻花限定)

包裝及質地：5分

日本既包裝永遠都咁贏得少女歡心，一支防曬都咁可愛吸睛，我俾5分，哈哈。

哩支防曬噴霧噴出黎有好清淡既香味，完全冇酒精既味道，有SPF50+ PA++++對抗夏日猛烈陽光。

噴霧好細緻，除左用係面之外，亦可以用係身體，我自己最怕就係用防曬乳液，搞到成隻手都係😣 噴頭真係方便得多，唔怕會唔均勻。

延伸閱讀：

【Kose 3D面膜】史上初超保濕真空面膜 又一新突破 3D壓紋面膜紙

防曬度：5分

今次出動埋防曬測試卡，係卡紙上面噴左半邊，再用UV燈測試佢既防曬力～

測試卡呈現既紫色深淺度代表受紫外線傷害既程度！

大家可以睇到照過紫外燈後，未有噴防曬的一邊變得非常紫，而噴了防曬的一邊仍然很白，代表Kose COSMEPORT Suncut 高絲防曬調色噴霧 (櫻花限定)的防曬能力極高！

清爽度：5分

先噴係手度試試，感覺比我想像好，因為好怕質地黏笠的，又曾經試過用完防曬手腳敏感。於是一直對防曬都有點卻步，成日忽略左，今次試左一邊手出左一日街都冇敏感問題，而且好清爽！簡直改變左我既想法，以後要勤力啲！

調色效果：4分

我自己覺得都好明顯😳調色效果唔錯，好自然透亮唔泛白！讚！

懶惰既女孩們就算唔化妝都要搽防曬，就算唔搽都要用噴既！

總評：

好鍾意哩支KOSE COSMEPORT SUNCUT 防曬調色噴霧SPF50+ PA++++，有時懶就咁噴一噴，化返少少眼妝就可以做到「偽素顏」。

係CP值超高既產品，唔係第一次用防曬噴霧，以往用後冇太大感覺，因為會有點敏感。但哩支的確快靚正，噴上臉即時令肌膚有返少少光澤感，有美白、調色、打底、保濕同埋透明質酸 5合1，一支搞掂哂。仲有，最緊要都係果句「我敏感肌都用到呀～～」。

延伸閱讀：

【SHISEIDO 防曬】夏天必備防曬！高度防水防汗 | iTRIAL美評