【KOSÉ面膜】長踞榜首既透明質酸保濕鎖水面膜，係咪真係咁保濕? | iTRIAL美評

我一路都好鐘意用日本嘅美容產品，因為佢地多數都係溫和弱酸性配方，無色素、無香料、無礦物油成分，好適合我呢D 混合敏感性嘅皮膚。今次試用呢款係長踞榜首既「KOSÉ COSMEPORT Clear Turn White 透明質酸保濕鎖水面膜」，睇下佢係咪真係如佢所講咁保濕! 今日天氣特別乾，最啱做測試~

Text and Photo: Jacob媽媽 (IG: cjoycec)

KOSÉ透明質酸保濕鎖水面膜

價錢：$59/5片 (一盒)

平均價錢：$11.8/片

KOSÉ透明質酸保濕鎖水面膜實測

一． 質地及貼面度

貼面度：5分

佢係用棉籽絨做面膜紙，摸落好柔軟但又唔會容易撕爛，而且呢隻質地低刺激性。敷上去幾乎完全貼服，超舒服。除此之外，佢個設計好岩亞洲人，之前用過某D 面膜會對唔啱眼鼻口位，搞到塊面膜皺曬一舊舊。呢款面膜剪裁可能以日本人為設計對象，Perfect 地貼我面形。

二． 滲透度

滲透度：4分

佢一包都有好多美容液剩低，我拎出黎搽曬上面。隔左10分鐘左右，到我拎走面膜時，幾乎無美容液剩係面，都滲曬落皮膚。用水沖一沖塊面時摸到塊面好水潤、好漲卜卜!! 同敷上面之前果種乾感完全唔同~

三．保濕度

保濕度：4.5分

今日天氣都幾乾，我敷mask前，皮膚含水量得25% ，的確非常乾。到我敷完之後爆升到60%!!!!!!!!

輕輕沖洗完上妝，嘩! 完全無諗過今日咁嘅天氣可以上粉咁貼服! 上面張相我無落filter同美肌，可以見到除咗額頭同鼻頭唔夠遮瑕之外，我兩邊面頰嘅粉底超貼服~

總評語：

因為佢整體都係比較清爽，所以夜晚用我會略嫌唔夠潤。但以佢個價錢黎講，絕對係平靚正，好啱朝早上妝之前用。係做到產品所聲稱嘅保濕鎖水功效嘅!!