Lancôme 極致持妝輕透粉底液｜炎熱天氣仲要加口罩實溶妝？識揀一定要揀長效持妝＋質地輕透的粉底｜iTRIAL用家分享

平時出街要化妝的日子, 閒閒地都花上大半小時

化好個靚妝終於可以出街喇, 就最怕係喺炎炎夏日既天氣，加上仲要帶住口罩，好快出晒面油溶妝，浪費一番心機

一直都好喜歡用Lancome的妝物, 特別係佢呢支極致持妝輕透粉底液, 好適合炎夏使用的輕盈質地，十分推介比大家！

Text & Photo: Siyi

實測 Lancôme 極致持妝輕透粉底液 Teint Idole Ultra Wear Liquid Foundation

Lancôme 極致持妝輕透粉底液 Teint Idole Ultra Wear Liquid Foundation

價錢：$415/30ml

產品介紹：

產品新推出時仲有韓星秀智加持做代言添呀～即時心心眼～我都要做國民初戀呀～

韓風最興就係素顏祼妝, 呢隻粉底液專為亞洲女性而設，能夠做到透薄半啞緻妝效，

效果非常持久水潤，更具有長達18小時的覆蓋度和持久度，可以做到好清爽的底妝而又足夠遮蓋瑕疪和粗大毛孔，

而且仲有防曬系數SPF38/PA+++，防汗控油光，足夠應付戶外活動的陽光紫外線！

產品實測部分

質地：4.5分

質地塗上很水潤，呈流質狀況，搽上面好舒服，沒有厚妝感。

妝效/貼服度：4.6分

二話不說即刻試上面~ 搽上粉底後膚色明顯較均勻，亦好貼面，鼻位唔會浮粉，代表佢粉質質地細緻，滋潤度都唔錯。

遮瑕度：4分

遮瑕部份，鼻翼暗沉色素遮蓋後感覺乾淨好多，亦修飾了鼻子形狀，黑眼圈遮瑕效果滿意 。

持久度：4.7分

底妝準備好，化埋眼妝就可以出街啦！妝容效果真係LAST到一整日呀~

今日中午11點出街，到晚上7點回家，脫下口罩都只是見到口紅甩色，粉底沒有甩在口罩上，只是T字位有點油光，黑眼圈浮左小小出黎，面脥雀斑位置仍然遮蓋到，浮粉問題都唔嚴重。

相比平時用以往的妝物，返到屋企已成面油光，妝容溶晒氧化，整個面容變得灰灰暗暗，無晒光彩呢～呢隻粉底液的遮瑕情況令人滿意！

總評：

呢支Lancôme極致持妝輕透粉底液各方面的表現均出色，搽上面唔會好笠，佢既水潤質地亦唔會令乾紋/眼紋出晒黎，最重要係用左好似秀智既國民初戀FEEL，妝效貼服透薄，一啲都唔厚妝，令人都想親近你呀～

由於佢主打質地透薄，對於面上一般瑕疵，例如唔太嚴重的黑眼圈，雀斑，暗瘡印都無問題，但如果深色一點的色素，建議可以先用遮瑕膏薄薄塗一層打底，再上粉底液，遮瑕效果更明顯，完美妝容就係咁易攪掂！

最後給大家一個小貼士：我今次試用既係B0-04色 （適合帶黃中等亞洲膚色），佢有點偏橡牙白的色調。

我通常都會選擇比膚色淺半至一度的顏色，因為預計隔2-3小時後，面上分泌油份，會令色澤更自然溶合皮膚，如選跟膚色一樣色調，2-3小時後可能會比自己的膚色深了半度喔！