Lancôme 極致持妝輕透粉底液｜底妝防汗控油，持久水潤超自然丨iTRIAL用家分享

又到左我最討厭既夏天，除了潮濕外，天氣超熱，出街未到半日面上已出油而且超容易溶妝;_; 平日化底妝都追求輕透自然、最緊要係持久控油！

聽聞Lancôme 極致持妝輕透粉底液，可做到全日持久，無懼脫妝，底妝整天細緻完美效果！而且粉底有效抵禦潮濕環境，抗汗、控油光，24小時持久無瑕，今日就同實測一下妝效吧！

Text & Photo: 小鹿 (IG：ohmydeeeer)

實測 Lancôme 極致持妝輕透粉底液 Teint Idole Ultra Wear Liquid Foundation

Lancôme 極致持妝輕透粉底液 Teint Idole Ultra Wear Liquid Foundation

價格：$450/30ml

產品介紹： 

Lancôme 極致持妝輕透粉底液，配方順滑易推而且不黏膩，主打全日持久，無懼脫妝，底妝整天細緻完美！質地輕透零負擔，整天舒適自在，就像second skin一樣！粉底色調專為亞洲膚色研發，結合完美遮瑕度和持久度，塑造自然零面具妝感。

＊24小時持久不脫妝 - 無懼溶妝，底妝整天啞緻完美

＊24小時持久無瑕 - 抵禦潮濕環境，抗汗控油光

＊ 24小時輕透零負擔 - 採用透薄零妝感科技，零面具感不焗促

產品實測部分

質地：5分 

我用既係PO-01色，唧出後流動性都幾高，粉質幼細，超易推開，而且都幾透薄，上面唔乾！

遮瑕度：5分 

唧一下，塗抹左半邊面，粉質幼細，都可以明顯遮到黑眼圈，雀斑，毛孔等等小問題！

遮瑕度不錯同時妝感都唔厚！非常不錯喔～

透氣度：5分 

上妝後，妝感自然，不厚粉，而且啞緻亮澤～像皮膚本身就很好的樣子，而且透薄，對肌膚沒有負擔，相信在炎熱天氣下都不會明顯溶妝喔！

控油持久度：5分

炎炎夏日，朝早出街，中途無補過妝，只有輕輕印過面油，到晚上回家後，妝容沒太大改變，持妝效果很好啊！果然主打全日持久，24小時不脫妝！沒令我失望！

總評： 

我都係第一次用Lancôme 既彩妝類，呢枝極致持妝輕透粉底液的確有驚喜到我！唧出第一下，已經感覺到粉底液流動性很強，而且上臉很輕薄自然～縱使係炎炎夏日下，上左底妝，皮膚都透到氣～同時遮瑕力都不錯，基本既黑眼圈/毛孔/雀斑等細小問題都遮到！

我自己上底妝就習慣用手指慢慢在面上拍打，用手指熱力將粉底液融合係面，覺得會更貼服，當然前期的保濕打底要做好啊，哈哈！

真的好推薦大家一試這枝粉底液，特別在夏天，追求妝感自然透薄的大家，一定要入手！