Lancôme 極致持妝輕透粉底液｜對抗油光脫妝等問題 keep全日底妝完美丨iTRIAL用家分享

颱風季節黎啦，最近天氣又熱又焗，好容易出油溶妝，又唔可以唔化妝番工，公司都未番到就已經面目全非。Lancôme 極致持久輕透粉底液全日keep住細緻妝容，無懼脫妝，仲有效抵禦潮濕環境，抗汗、控油光，24小時持久無瑕。等我同大家實測一下妝效，試下係咪真係咁勁先!

Text & Photo: Dayday (IG：dayday_lam)

實測 Lancôme 極致持妝輕透粉底液 Teint Idole Ultra Wear Liquid Foundation

Lancôme 極致持妝輕透粉底液 Teint Idole Ultra Wear Liquid Foundation

價格：$450/30ml

產品介紹： 

極致持妝輕透粉底液全日持久，無懼脫妝，底妝整天細緻完美。粉底有效抵禦潮濕環境，抗汗、控油光，24小時持久無瑕。佢既粉底配方順滑易推而且不黏膩，令到個底妝輕透零負擔，全日都可以keep住輕鬆自在。而且佢地既粉底色調專係為亞洲膚色研發，結合完美遮瑕度同埋持久度，打造自然零面具妝感。

產品實測部分

質地：4.5分 

流動性強，質地清爽易推，推開之後既顏色唔會相差太遠。我用既係PO-03，屬於中性色調，亞洲肌膚都主要係偏黃，如果用太白既色號就會好奇怪，呢個色號我就岩岩好

遮瑕度4.3分 

我臉上其實有好多小痘印，通常夏天我都唔會特別去遮。今次呢枝粉底液輕抹薄薄一層就已經可以遮到啲唔係好深色嘅印，有需要可以再係重點位置加多一層都已經好足夠~

透氣度：5分 

整體上都好舒服，化完成個妝都好透氣好清爽，唔會感覺有一層厚粉係面到。呢款粉底液唔會好有明顯既光感，主要都係偏啞緻，我係屬於皮膚偏乾，搽左上面都FEEL到帶保濕感。黎梗我就會出街實測佢對抗夏天既功力~

控油持久度：4.5分 

經過10小時既出街，係呢個炎熱又焗既天氣之下，個妝都仲KEEP到80%，下巴位置出油會多小小，但係整體上個妝唔會有好大影響，有需要可以用粉餅補返。全日既感覺都係清爽舒服，皮膚唔會有負擔。
 

總評： 

實測當日我足足出左街10小時，就算出面天氣又熱又焗，我都feel唔到厚重感!! Lancôme 呢枝極致持妝輕透粉底液真正做到透薄自然不焗促 ，都唔會話太過溶妝，中間輕輕用tissue印走啲油就可以啦~

平時夏天我就中意用濕左既粉撲再前後加定妝噴霧打造完美底妝，呢個方法會令到個底妝效果更加持久。推薦大家試用呢枝粉底液，同我一齊feel下夏天化妝既清爽感覺~