【Laura Mercier 氣墊粉底】識「發光」嘅粉底！Laura Mercier首個氣墊粉底全城期待

這款Laura Mercier多效氣墊粉底集對抗環境污染及長效持久於一身，除了妝感充滿光澤外，配合SPF50防曬系數，為肌膚抵禦外在環境污染和傷害。其獨特底妝配方，特别為亞洲女性研製，首次加入鑽石粉末能有效提升皮膚亮澤度，質地透薄，可達至中度至高度的遮瑕效果，能有效地控油，對抗溶妝的出現，在任何光線下都能保持明亮清透的完美底妝。

Text & Photo: TiffanyC (IG: _tiffanycc_) | Editor：AnGel S.

Laura Mercier Flawless Lumière Radiance-Perfecting Cushion 極致持久鑽光氣墊粉底

價錢：$410 (全6色) ; $310 (refill only) & $100 (sponge only) 

色號：#2N1 CASHEW （淺色，帶有中性色調 ）

實測Laura Mercier Flawless Lumière Radiance-Perfecting Cushion 極致持久鑽光氣墊粉底

粉撲：

雙材質粉撲，一面為膠面氣墊，能均勻沾取氣墊粉底。另一面為細緻短絨毛面，疊壓方式呈現霧面妝感。

遮瑕度： 4.5分

呢個Laura Mercier極致持久鑽光氣墊粉底有中至高coverage，薄薄上一層，黑眼圈可以遮到6-7成，紅印暗瘡印都可以遮到7成左右，遮瑕度唔錯。 如果你同我一樣有個千年黑眼圈嘅話，可以on top上多一層就可以遮到8-9成。

延伸閱讀：

【Laura Mercier 粉底液】要求多多就搵唔到心水粉底? Tiff哥有好推介!

光澤感：5分

絕對係韓妹好鍾意果種光澤效果，用佢就可以打造韓妝嘅水光肌效果，望落好bling bling，好似肌膚注滿水一樣。上左妝3-4個鐘，出左少少油之後，有大家好鍾意嘅奶油肌妝感！

滋潤度：4分

佢滋潤效果做得唔錯，上左妝全日都唔會覺得乾，同埋好貼面，到落妝果刻都仍然feel到保濕感，唔會話上左幾個鐘就好乾！

總評：

這款Laura Mercier首個氣墊粉底果然冇令大家失望，好值得一試啊！輕拍一層係輕透光澤效果，自然又透亮。如果想妝容更完美無瑕就可以再疊加第二層，令妝感變成微霧高遮瑕又有光澤。乾肌絕對可以入手，但我屬於混合肌，呢個天氣用覺得佢有啲笠，所以油肌就skip左佢啦，我覺得佢比較適合秋冬天比較乾燥果陣用。

延伸閱讀：

【Dolce & Gabbana 氣墊粉底】啫喱狀獨特配方 清爽自然的第二層肌膚