L'Occitane 杏仁沐浴油｜ 極致滋潤身體保養 肌膚即時變得柔軟細膩

平時臉部保養就做得多，反而成日忽略左身體嘅保養。要做個精緻女人，手手腳腳都好重要，身體保養一定唔可以忽視！特別係秋冬嘅乾燥天氣下，皮膚好容易甩皮或者乾到龜裂，唔單只傷害皮膚，而且都令外表大打折扣。最近體驗左L'Occitane 杏仁沐浴油 Almond Shower oil，令我對沐浴油有新嘅認識。今日就係iTRIAL實測評分，睇下佢到底好唔好用，值唔值得推薦！

Text & Photo: Antonia

實測 L'Occitane 杏仁沐浴油 Almond Shower Oil

L'Occitane 杏仁沐浴油 Almond Shower Oil

價錢：$220/250ml；$330/500ml

產品特色：

L’OCCITANE 全球熱賣的皇牌杏仁沐浴油，性質溫和， 發揮潔淨及保濕功效，為肌膚補充水份， 締造每日最令人期待的沐浴時刻。特別適合乾性肌膚。配方揉合了甜杏仁的強效保濕作用，與水混合後形成細膩泡沫，蘊含杏仁油及葡萄籽油，發揮柔膚作用，保持肌膚的天然平衡，發揮溫和潔淨及保濕功效，為肌膚補充豐沛水份。

質地： 4.5分 

在搓開之前，沐浴油呈油狀，延展性高。與水混合後，沐浴油會形成細膩泡沫，發揮溫和潔淨及保濕功效。佢唔只係沐浴油，仲係超級滋潤嘅潔淨沐浴露，洗完之後唔會有層洗唔乾淨嘅感覺留係皮膚上。

香味： 3.5分

雖然我個人唔係特別喜愛杏仁味，但對我來講搽上身都可以接受的。呢隻沐浴油並唔係廉價嘅香氣，而係一種非常自然嘅清香味，鍾意杏仁嘅朋友可以一試！ 

即時保濕度： 4.5 分 

保濕滋潤度令人好驚喜！估唔到只係沖一沖涼，成個皮膚既Texture已經唔同左。左邊龜裂既肌膚，沖完涼後即刻變得肉眼可見的柔軟同光滑，肌理都變得細緻左好多！

總評：

在乾燥天氣推薦比大家使用，特別係冬天使用感覺相當不錯！用完L'Occitane 杏仁沐浴油後，雖然我麻麻地佢陣香氣，但係佢嘅效果係意外地好，用落就好似身體搽左層Cream咁滋養潤澤，而且可以Skip左搽Body Lotion呢個動作，好適合我呢啲懶得黎又要做精緻女生嘅人！