【Make Up For Ever 粉底液】24小時不脫妝？Reboot 粉底液仲有意想不到驚喜！| iTRIAL美評

就算咩都唔化，都一定要化底妝！一個好嘅底妝，真係成個氣質都出曬黎架！混合肌嘅我，真係好難遇到啱用嘅粉底。之前聽model朋友狂讚Make Up For Ever嘅粉底，今次就嚟實測Make Up For Ever Reboot Active Care-In-Foundation。係唔係真係24小時不脫妝？睇埋落去咪知囉！

Text & Photo：肥桃（IG: suen_momo） | Editor：AnGel S.

實測Make Up For Ever Reboot Active Care-In-Foundation 

速效煥肌修護粉底

價錢：$380 (12色)

點擊查看產品資料

呢枝粉底有五大功效：提亮、柔滑、緊緻、保濕及均勻膚色。同時仲有四款活性成份：透明質酸、半乳糖阿拉伯聚糖、海藻酸鈉和生物醣膠，標榜化妝同時護膚。雖然我覺得上妝後皮膚吸收唔到護膚品，不過有護膚成分，感覺上個心都會舒服啲。

品牌仲特登為左呢枝粉底設計咗一枝全新嘅粉底掃：速效柔亮粉底掃。掃毛濃密，觸感好滑，唔會「吉」面。

質地：

擠出後感覺到比一般粉底液較流質。

素顏

上粉後

遮瑕度：4分

大致上能遮蓋面上瑕疵，例如紅印、黑眼圈、雀斑等。但癦未能完全遮蓋。

持久度：3分

未定妝前用紙巾印完會掉粉，但掉粉程度唔嚴重，都可以接受。

修飾毛孔度：5分

非常驚喜！能有效修飾毛孔！！！粗大毛孔嘅救星！

自然度：4分

質感水潤，上妝後感覺好透薄，妝感唔重！

定妝後持久度：4分

掃上蜜粉後非常驚喜！8個鐘都大致keep到！

總評：

不負所望，Make Up For Ever粉底真係各方面嘅表現都好出色，修飾毛孔嘅效果更令我喜出望外！均勻膚色同遮瑕能力都唔錯，一般嘅瑕疵都可以遮到。差一分就滿分！點解？因為如果唔定妝嘅話，持久度都爭少少，不過定妝後問題就解決到！EASY！整體黎講都值得買！