OLAY Super Cream｜Peptide + AA2G激活膠原增生 全面對抗膠原流失｜iTRIAL用家分享

又到轉天氣嘅季節，女仔轉季最怕天氣乾造成皮膚水分流失，令皮膚睇落又乾又冇光澤。加上25歲後皮膚膠原蛋白一直流失，都市人長期唔夠瞓及使用電子產品亦容易令皮膚失去彈性導致下垂。所以補水之餘，如何提升膠原蛋白一直都係每個女仔都好注重嘅保養項目。

今次試用OLAY Super Cream （新生高效緊緻護膚霜），叫得做No.1 Super Cream，哩款Cream喺OLAY內部銷售數據於2018年10月至2019年10月於同系列產品中銷售排名NO.1，相信一定有返咁上下水準，一於實測一下是否真係好用！
 

(Text & Photo: Kurisu)

實測 OLAY Super Cream (新生高效緊緻護膚霜) Regenerist Micro-Sculpting Super Cream

OLAY Super Cream (新生高效緊緻護膚霜) Regenerist Micro-Sculpting Super Cream

價錢：$269/50g

產品介紹：

OLAY Super Cream含有被譽為最具影響力的護膚品成分「胜肽 (Peptide`)」，胜肽係一種較溫和嘅抗老成分，比市面上其他抗皺成分例如 A 醇更穩定溫和，較少引致皮膚刺激反應亦唔會損害皮膚屏障。眾所週知A 醇只可以夜晚用，而且一開頭係唔可以每晚都用，相比之下，胜肽同樣有好顯著嘅抗老功效，但就冇咁多限制。而「胜肽」係一個大家族，種類繁多，當中「五胜肽」主要功能就係有效改善皮膚動態紋，更可以激活肌膚 300%膠原增生``。產品並加入高效抗氧成分「AA2G’」(VC衍生物)，對抗膠原流失^。其強大的抗氧力可以抵抗自由基傷害，擊退暗沈令皮膚回復透亮光澤。
 

產品實測部分

質地：4.5分

易推度：4.5分

面霜非常容易推開，推開後感覺滋潤度剛剛好，唔會有太厚的感覺，亦冇黏笠感。推開後輕輕按摩，短時間已可以被皮膚吸收。質地夏天冬天都啱用。
 

吸收度：4.7分

面霜唔會太稀，亦唔厚重唔油，搽上面後好快已全部吸收。吸收後皮膚感覺水潤而充滿彈性，皮膚飲飽水一樣，緊緻度有提升。

即時保濕度：5分
滋潤度：4.2分

使用面霜後感覺到皮膚即時有保濕提升嘅效果，早晚用都適合。

滋潤度以秋季氣溫轉變天氣稍涼黎講係足夠，使用後皮膚表面會餘下剛剛好而存在感唔強嘅滋潤度，但相信如果係皮膚非常乾嘅女仔，可能冬天會略嫌唔夠，可自行搭配更滋潤面油之類加強滋潤度。

但以我混合性皮膚黎講，滋潤度真係剛剛好，用後非常舒服。 

彈嫩度： 4.7分 

緊緻度： 4.3分 

水潤度： 4.5分 

使用7日後皮膚感覺有變得細緻及飽滿，皮膚更有彈性，而且皮膚變得更明亮係肉眼可見。

夜晚用完朝早起身感覺皮膚依然非常水潤，照鏡發現皮膚變得緊緻左，真係好驚喜。

總評:

「胜肽」哩種強效成分，其實已被好多貴價品牌採用作為各種護膚品嘅主打成分，今次OLAY Super Cream行親民價格只可以話係誠意滿滿。

推介各位25＋嘅靚女們，及早開始抗老行動，延緩開始衰老嘅跡象。可以早晚使用，配合按摩手法，緊緻提拉效果可以更明顯。

如果你都搵緊一款有效嘅抗老面霜但又唔想使好多錢，咁OLAY Super Cream一定係最佳選擇，絕對值得一試！

*根據OLAY內部銷售數據,OLAY新生高效緊緻護膚霜在2018年10月至2019年10月於同系列產品中銷售排名NO.1。

`指Palmitoyl pentapeptide-4。
``指第三方測試顯示Palmitoyl pentapeptide-4，在對比陰性對照組能促進細胞生成至少3倍以上膠原蛋白。
'指配方中所含 Ascorbyl Glucoside。

^指成分特性。

^^Palmitoyl pentapeptide-4，基於其Palmitoyl側鏈，在對比普通五胜肽，其肌膚滲透度提升17倍，數據來源於文獻。