【Olay 面膜】粉紅山茶面膜美白又保濕 10天打造韓妹水嫩透亮皮膚

今日想同大家測試下Olay全新推出嘅韓國製10天面膜！面膜總共有三款，分別係長效保濕、透亮保濕同細緻毛孔保濕。而我今日會試嘅係山茶花B3透亮保濕面膜，據說可以打造到韓妹「水嫩透亮肌」，連敷10日可以做到肌膚白裡透紅嘅效果！一起測試下呢款粉紅山茶面膜，試下佢嘅貼服度、保濕度、亮白度同清爽度吧！

Text & Photo: Tiffany Tsoi (IG: @your.beautyteller) |Editor：AnGel S.

Olay 山茶花B3透亮保濕面膜 (粉紅山茶面膜)

價錢：$149/ 5片

實測 Olay 山茶花B3透亮保濕面膜 (粉紅山茶面膜)

精華份量：4分

貼服度：4分

面膜的精華份量啱啱好，唔會太多一路敷一路滴。面膜紙雖然唔算我用過嘅款式中最薄，但貼服度唔錯，鼻翼旁位置沒有泊起。

延伸閱讀：

iTRIAL會員評價 Olay 山茶花B3透亮保濕面膜 (粉紅山茶面膜)

保濕度：4分

洗面後，在敷面膜前皮膚水份有42%，敷Olay粉紅山茶面膜後水份升到57%，保濕效果不俗。

亮白度: 4分

睇圖會見到同一日敷Olay面膜前後的對比，皮膚有微微提亮，泛紅亦退了好多。連續敷10天效果會更明顯，皮膚變得比以往白，無以前咁暗沉。

清爽度：3.5分

個人覺得呢款Olay面膜唔係清爽型，敷完吸收後仍會少許黏笠感，會痴住頭髮。所以雖然品牌建議敷完後唔需要過水，但我會用紙巾輕輕抹走面上多餘嘅精華，再塗上護膚品，咁做會比較清爽不黏笠。

總評:

總括黎講，我覺得呢款Olay面膜都唔錯，各方面都表現平均，保濕同透亮度都有改善。粉色面膜，加上淡淡嘅山茶花香，敏感肌嘅我敷佢都可以。唯一我比較唔鍾意嘅係面膜敷完有少許黏笠，我個人比較喜歡清爽類型嘅面膜。

延伸閱讀：

iTRIAL會員評價 Olay 熔岩海水B3長效保濕面膜 (香檳海水面膜)