Origins 靈芝菇菌抗逆健膚紓緩水 | 保濕舒緩減退泛紅 敏感肌必備！｜iTRIAL用家分享

身為敏感肌膚既我，經常有乾燥敏感泛紅問題。每逢轉季更加嚴重，好彩我有Origins 靈芝菇菌抗逆健膚紓緩水！呢支舒緩水係我嘅救命恩物，每當肌膚問題出現，甚至係生痘痘、生理期，我都會即刻濕敷！用後即時補水，肌膚問題感覺被舒緩。好用到冇左佢唔得，係我係iTRIAL美評裡數一數二喜歡嘅產品，絕對係信心推薦！

到底有冇咁犀利呢？等我黎實測下啦！
 

實測 Origins 靈芝菇菌抗逆健膚紓緩水 Mega-Mushroom Relief & Resilience Soothing Treatment Lotion

Origins 靈芝菇菌抗逆健膚紓緩水 Mega-Mushroom Relief & Resilience Soothing Treatment Lotion

價錢：$190/100ml；$320/200ml 

產品介紹：

靈芝菇菌抗逆健膚精華水— 秒吸收，水嫩細緻肌膚。 有效舒緩敏感泛紅徵狀，顯著修復肌膚，同時強化肌膚屏障，抵禦環境侵害。有效更快速治癒，減少可見的敏感泛紅，並幫助改善暗粒粉刺問題。配方加入甘草根適應原，天然植物抵禦成份有助激活皮膚的自生防禦力。肌膚看起來更穩定、健康，並準備好使用精華和保濕霜。
 

產品實測部分

質地：4分 

質地非常水，一滴落皮膚馬上流下，但保濕感強勁，有一定程度的黏性，油性肌膚可能略嫌厚重。

即時保濕度：4.5 分

一上面即感到非常保濕，滲透力很快，乾燥嘅皮膚馬上得到舒緩。

濕敷保濕度：5分

濕敷5分鐘後保濕度更加明顯，皮膚即時飲飽水，回復彈力，感覺到皮膚非常飽滿。
 

紓敏度：4.5分 

濕敷前皮膚略嫌泛紅，濕敷後皮膚明顯退紅，泛紅減退大概七成左右，效果理想。皮膚亦比較水潤，乾燥感消失。

總評：

連續使用幾天過後，面上嘅粉刺明顯平復，泛紅亦有明顯改善，降紅鎮靜效果理想。

肌膚屏障變得越來越健康，比較不容易敏感也有光澤。

我會建議問題肌膚或乾燥敏感肌人士使用，或在清理黑頭粉刺後用作濕敷，可以快速退紅，效果明顯。平時可以當作爽膚水作日常使用，重點護理時可以濕敷。換季轉天氣時更加要有它來看門口呀！十分推薦！