Origins 靈芝菇菌抗逆健膚紓緩水 | 實測CP值勁高 轉季皮膚救星 為你對抗肌膚失衡｜iTRIAL 用家分享

每次轉季皮膚都好唔穩定，乾爭爭，有暗粒，泛紅，唔貼妝仲有有卡粉問題 ，乜都齊，好困擾呀。搞到個人做咩都無晒心機，提唔起勁，連出街嘅動力都無。皮膚差到咁點算好？ 呢個時候就要搵Origins嘅皇牌產品靈芝菇菌抗逆健膚紓緩水 Mega-Mushroom Relief & Resilience Soothing Treatment Lotion。

平日護膚好多人都會忽略左使用爽膚水呢個步驟，洗完面後直接搽cream或者乳液，但其實搽toner都係非常重要嘅一個環節。Toner唔單只可以有助帶走面上嘅污垢，與此同時還可以平衡肌膚嘅pH值。

今次呢支靈芝菇水有咩好呢？佢蘊含靈芝、冬蟲夏草、毛頭鬼傘菇等天然珍貴成分，仲不含酒精成份。有助立即舒緩肌膚敏感情況、降紅及鎮靜，同時做到滋養保濕。咁就唔洗驚轉季個幾日要塊面又乾又紅咁出街啦！而家就等我iTRIAL 美評家Luna.w同大家實測呢款靈芝菇菌抗逆健膚紓緩水，到有幾犀利啦！ 

Text & Photo: Luna.w

實測 Origins 靈芝菇菌抗逆健膚紓緩水 Mega-Mushroom Relief & Resilience Soothing Treatment Lotion

Origins 靈芝菇菌抗逆健膚紓緩水 Mega-Mushroom Relief & Resilience Soothing Treatment Lotion

價錢：$190/100ml；$320/200ml 

產品介紹：

靈芝菇菌抗逆健膚紓緩水適合所有肌膚性質及敏感肌，內含抗炎靈芝、發酵白樺茸、蟲草、透明質酸、乳酸菌益生菌，令肌膚極速保濕。而且一打開有淡淡嘅植物草本味，聞起黎舒服。

產品實測部分

質地：3.9分

質地水潤清爽，感覺到舒緩水直接滲入皮膚，不黏笠。

濕敷保濕度：4.3分 

將靈芝菇水倒於化妝棉片上,濕敷5分鐘,可見到手紋變得有光澤，減退了不少細紋。

紓敏度：4.1分 

將靈芝菇水倒於化妝棉片上,面上敏感泛紅位置濕敷10分鐘,可見泛紅位置明顯淡化了不少。

濕敷後，上妝後變得更貼服。
 

總評：

Origins 靈芝菇菌抗逆健膚紓緩水真係抵用cp值又高，絕對會係我回購嘅產品，感覺上屋企可以放多支隨時預防不時之需。轉季特別乾燥出現敏感時可以薄薄地濕敷，既做到舒緩敏感又能極速補水夠晒方便一支搞掂，而且唔怕用得多會心痛，真係轉季敏感急救恩物。

建議連續使用14-21日，將菇水倒喺化妝綿到濕敷10-15分鐘每日一次或者輕輕拍上面，大概4-5日會見到敏感肌有改善嘅情況，而且肌膚變得有光澤。

唔怪得之身邊咁多人讚啦！大大力推薦呢款靈芝菇水俾大家！