【Paul & Joe 唇膏】Lip Crayon 柔啞唇蠟筆細支易畫又夠潤 簡單畫出完美唇形

又到左唇膏時間◉‿◉，最近成日戴住口罩的確慳返唔少唇膏。

雖然多數時間都戴住口罩，但女生總是愛美，唔洗冧人都要冧下自己。

所以戴住口罩都要靚，就介紹唔易甩色既唇膏俾大家～

等你地唔洗怕整污糟口罩，佢就係來自日本既Paul & Joe Lip Crayon 柔啞唇蠟筆 💜

Text & Photo: Cass (IG: Casssyg) | Editor: AnGel S.

實測Paul & Joe Lip Crayon 柔啞唇蠟筆

價錢：$150/ 0.6g

色號：02

點擊查看產品資料
 

質地：4分

啞光質感，細細支容易控制～

筆狀設計勾劃唇形非常方便，好適合新手或要用唇筆既女生們。

亦都好岩我，因為一物兩用唇膏兼唇筆😜

上色度：4分

共有8隻色，我用既2號色好似豆沙色咁。

淡淡地一層都已經遮蓋到我冇血色嘅嘴唇，平時既簡單妝容一定carry到～

再突出啲濃妝啲既時候，搽多一兩層都唔會太誇張。

啞光但冇乾既感覺，因為有鎖水成分，亦唔會超突顯唇紋，真係好值得讚既係好易搽！

乳脂狀既筆芯，唔會怕搽出界。

持久度：5分

好多人話戴左口罩唇膏甩哂，又整花個妝，

今次我試下戴住口罩2-3個鐘，但都冇乜點甩。（右邊黃圈果少少，可接受啦）😎

易卸度：5分

一般啞光質感唇筆都較乾，相對會難卸。

其實Paul & Joe哩隻乳脂狀既唇膏係以油質成分組成，唔駛2秒就可以輕鬆卸走唇色。

總評：

打算再去專櫃將其他心水顏色帶回家，包裝用玫瑰金色既筆蓋，好靚💋

易畫、細支方便易帶、易卸唔易甩，價錢超合理 ⋯⋯我搵唔到佢既缺點。