【RMK 眼影盤】限量浮世今時眼影盤試色 浮世繪設計個性十足

秋天來到，好多人第一時間就會諗起紅棕色眼影，但今年RMK搞搞新意思，以著名浮世繪大師喜多川歌麿所繪畫的美人畫作靈感來設計限量眼影盤UKIYO Modern Eyeshadow Palette，03色千住宿用了黃色和綠色眼影做主色，擺脫近年秋冬一定係紅棕色的既定觀念！等我iTRIAL美評家TiffanyC同大家嚟個小突破啦！

Text & Photo：TiffanyC (IG：_tiffanycc_) | Editor：AnGel S.

RMK 浮世今時眼影盤 UKIYO Modern Eyeshadow Palette

價錢：$495 (全3款)

色號：03 千住宿

實測RMK 浮世今時眼影盤 UKIYO Modern Eyeshadow Palette

包裝：3分 

充滿設計感的包裝設計，是以著名浮世繪大師喜多川歌麿所繪畫的美人畫作靈感而設計的眼影盤。

質地：4分 

RMK眼影粉質好幼細易推，雖然望落黃色和綠色好似好難用咁，但其實一啲都唔難用。

延伸閱讀：

【RMK 眼影盤】莫蘭迪四色眼影盤 濃淡自由控制 化出高質日系妝容

上色度：2.5分 

像真度：3分 

RMK浮世今時眼影盤塗一層上眼唔算好顯色，唔似歐美眼影咁，唔會攞一次份量已經好實色，係要慢慢build up，上多兩三層先會顯色，適合化妝新手！

持久度：4分 

用乾的化妝棉印一下眼妝，基本上成個眼妝都仲係到，冇咩點掉色！

易卸度：5分 

用沾了卸妝水的化妝棉敷幾秒後一抹，基本上已可卸走全部眼妝！！

總評：

雖然望落黃色和綠色好似好難用咁，但原來一啲都唔難用，呢盒RMK浮世今時眼影盤應該會改變大家對綠色眼影的想法，當中的綠色眼影唔係那種好sharp嘅綠色，比較容易使用同接受，化在黃皮膚嘅人眼上唔算太突兀，反而有煥然一新嘅感覺，可以一試！

延伸閱讀：

【Etude House 眼影盤】Play Color Eyes大玩蜜桃色！橘粉色眼影不眼腫小教學