Samsung Galaxy Z Flip4｜輕巧方便攜帶 新一代自拍神器｜iTRIAL用家分享
近十年手機越出越大部，已經甚少手機品牌有推出摺疊式手機，所以都會有一個唔好嘅地方，就係好難擺入手袋或者口袋，仲又重又唔方便。而新一代摺疊屏幕手機Samsung Galaxy Z Flip4就非常吸引我啦！因為佢體積輕巧，霸佔嘅地方非常小，可以好輕鬆咁放入小手袋，或者係褲袋，非常方便。當然佢嘅外型都係吸引我嘅地方，杏桃粉、石墨黑、冰川藍和Bora紫全部都超吸睛！仲有好多好用同推薦嘅地方，等我同iTRIAL美評同大家一一介紹啦～
有咗呢部Samsung Galaxy Z Flip4即刻變身自拍達人冇難度！❤️
Text & Photo：Lala (IG: this.is.lalaland )
實測 Samsung Galaxy Z Flip4
價錢： $8,298 (8GB RAM + 256GB ROM) ; $9,298 (8GB RAM + 512GB ROM)
產品介紹：
免手持操控︰打電話，回覆短訊都唔需要展開手機，輕鬆放在桌面就可以喇！甚至可以控制SmartThings Scene widget小工具，都能夠在機面屏幕上迅速完成。
免手持拍攝︰開啟FlexCam模式，只需摺疊屏幕，毋須手持就可以用不同角度拍攝影片或合照喇！夠晒方便～
Quick Shot 快速自拍︰想拍照片或者錄影，除咗展開手機之外，仲可以直接從機面屏幕拍攝高質素的照片。亦可利用Quick Shot進行高質素錄影，然後在錄影不被中斷的情況下無縫切換到Flex模式繼續免手持錄影！真係非常適合內容創作者和vlogger呀！在Quick Shot模式中，亦可以切換至人像模式進行自拍，並以實際照片比例預覽拍攝效果。
自訂專屬主題︰無論係外屏幕及主屏幕嘅風格由你話事，除咗可以同步使用Galaxy Themes，更可自行定制字體、顯示圖示和版面設計。更可以使用全新的時鐘樣式，或以圖像、GIFs甚至影片等格式的背景來建立個人化的機面屏幕，咁就唔驚同人撞款啦！
超快速充電︰只要30分鐘就可以充電達50%，真正的快速充電！咁就唔使驚成日都冇電啦！
產品實測部分
1. 實測外形
輕便易攜度：5分
收納方便 ：5分
時尚度：4.5分
手機外型非常輕巧輕薄易攜，連現在流行的小廢包都可以裝到。而且顏色很少女，非常吸睛，喜歡沉實的朋友也可以選擇黑色。
2. 實測拍攝功能
#1 Hands-Free Photo Capture 免手持精彩拍攝
免手持精彩拍攝，出街無論擺喺桌面上或者地面，都可以拍攝高質素照片！上屏自拍畫面，下屏功能界面，輕鬆地調整出最靚、最佳角度，舉個5字手勢就可倒數拍攝喇，咁就唔使每張相都要按拍攝倒數咁麻煩喇～仲可以影多啲背景添！
#2 Multi-Angle Capture 多角度攝影
因為佢係摺疊屏幕手機，所以可以隨意調較理想嘅角度拍攝，點樣拍由自己話事！
#3 Hands-Free Video Chatting 免手持視像對話
可以放在桌面視像對話，所以不一定要留在辦公室或者家中，亦都唔使帶notebook出街咁麻煩喇。一部電話就算外出也可以隨時做視像會議，工作更加得心應手啦！同朋友玩視像亦得！最重要係唔使長時間拎住部電話咁攰嘛～
#4 Front Screen Quick Capture 封面屏幕自拍
除咗手機正常自拍，封面屏幕都可以快速自拍，只需要按下開關按鈕兩下，即可用後置高清鏡頭自拍照片或影片喇！
#5 Top Down Capture 輕易平鋪俯拍`
唔使起身都可以拍top shot，好方便！
拍攝方便度：4.8分
拍攝專業度：5分
操作容易度：4.5分
用户界面友好度：4分
畫質細緻度：4.5分
Flexcam絕對係影相大功臣！因為以前我自拍因為手嘅長度關係無辦法影wide shot，只能影近鏡，所以照片就只局限於近鏡。依家有咗Flexcam，只要放喺平面就可以自拍，遠近都一樣得，啲相即刻生動好多呀！成個構圖都靚好多，照片同影片都高質咗好多！
3. 實測自訂專屬自己的外屏畫面
使用方便度：4分
設計多元度：5分
個人化度：5分
搶眼度：4.8分
手機外形設計時尚，外屏畫面設定不算困難，我都係自己摸索一下就set到，不過對3C不太熟悉嘅可能要睇說明書。而今次Galaxy Z Flip4真係要大讚！設計多元化，無論係時鐘或者背景都有好多款式選擇，完全突顯到自己個人風格。唔需要擔心同人撞款，仲好eye catching添！
4. 實測IG功能
IG友好度：5分
IG拍攝方便度：5分
係IG拍reels或者影片真係好方便，因為可以放喺枱面或者地下多角度拍攝，出街唔需要再帶腳架。隨時隨地拍，方便喜歡自拍嘅大家。
5. 實測Quick Share功能
分享方便度：4.8分
Quick Share功能分享照片真係非常方便，可以複製連結，或者掃描QR code，收件者仲可以選擇下載邊一張照片或者影片，唔會自動儲存，真係好user-friendly！
總評︰
Samsung Galaxy Z Flip4比一般手機輕巧，特別是摺疊式設計，對喜歡自拍的人絕對係方便至極，又有外屏又有上下屏。出街不用帶腳架，可以隨時隨地拍出精彩照片和影片。感覺自己都變成了自拍達人，以後出街影相唔需要再靠路人喇！而且外形好cute好catchy！十分推薦！
立即登記5天免費體驗︰https://www.samsung.com/hk/offer/galaxy-trial/
5
