Samsung Galaxy Z Flip4｜最新摺機 輕巧新體驗｜iTRIAL用家分享
新一代摺疊屏幕手機Samsung Galaxy Z Flip4最大賣點就係可以對摺，輕鬆方便坐枱，輔助拍攝自拍功能為一大賣點(⁎⁍̴̛ᴗ⁍̴̛⁎)！一般普通嘅智能手機都需要最少用一隻手操作，而Samsung Galaxy Z Flip4就可以完全避開呢一個缺點，等我一陣講解一下唔同嘅優點啦😎！
Text & Photo：amyloklok (IG: amyloklok )
實測 Samsung Galaxy Z Flip4
價錢： $8,298 (8GB RAM + 256GB ROM) ; $9,298 (8GB RAM + 512GB ROM)
產品介紹：
今次摺機最主要嘅賣點就係可以坐枱免手持完成多項工作！首先第一樣唔使打開部機就可以做到好多嘢～例如係覆message、打電話，更加可以控制SmartThings Scene widget小工具，喺摺埋嘅時候就可以喺小屏幕上面完成( ´▽｀)！
第二樣就係拍攝功能，透過FlexCam模式，就咁放喺枱面或者其他唔同地方都可以有唔同角度嘅合照啦或者自拍影相🤩！呢樣就係我講所有電話都至少要用一隻手揸住部電話先可以做到自拍，今次Samsung Galaxy Z Flip 4就完全避開咗呢一個缺點啱晒最鍾意影相拍攝嘅人～
跟住呢個就係我最鍾意嘅功能Quick Shot 快速自拍，意思係可以直接從機面屏幕拍攝高質素的自拍照片，只要係摺疊嘅時候撳兩下解鎖鍵，就可以用後鏡高像素嘅鏡頭自拍，小屏幕亦都可以見到畫面，咁就可以得到高像素嘅相片或者影片，呢個真係最吸引人的賣點之一！
而且在錄影不被中斷的情況下無縫切換 Flex模式繼續免手持錄影，更可在Quick Shot模式中切換至人像模式進行自拍，超級適合鍾意拍vlog或者YouTuber使用🤓！
除此之外，Samsung Galaxy Z Flip 4更加可以自訂專屬主題，外屏幕及主屏幕同步使用Galaxy Themes，自行定制字體、顯示圖示和版面設計等等，可以有一個全面嘅個人化😍！
充電嘅時間都可以喺小屏幕上面見到幾耐就會充完，充電時間都超級快速，約30分鐘即可充電達50%～
產品實測部分
1. 實測外形
細小摺疊屏幕設計，配搭霧面機身玻璃與金屬框架Style，顏色分別有 Bora 紫、杏桃粉、石墨黑及冰川藍，勁潮可以配搭到唔同嘅衣着！
輕便易攜度：4.8分
收納方便 ：4.8分
時尚度：4.5分
摺疊後的確係比較小型易攜，雖然成部手機嘅面積細咗，但厚度都會相對增加，但係就好適合一眾鍾意用潮流小廢包嘅女仔🤣！
有啲小廢包只係可以放得落一包紙巾仔，摺疊後嘅size我相信絕對係可以放得落，咁梗係睇吓邊一種啦😗！
2. 實測拍攝功能
拍攝方便度：5分
拍攝專業度：4.3分
操作容易度：5分
用户界面友好度：5分
畫質細緻度：4.6分
Flexcam ＋ 座地自拍真係超級好用！首先有我最鍾意嘅quick shot就係唔需要展開你嘅手機，撳側邊兩下解鎖鍵，就可以自動進入拍攝功能，小屏幕上都可以見到畫面，並且係用後鏡拍攝會得到高清嘅影像或者影片(｡･ω･｡)！或者座枱你都可以用後鏡嘅功能，啱晒鍾意高清啦或者高解像度相片嘅你！
第二個我最欣賞嘅功能呢就係佢可以隨時sense到人像5字嘅手勢 ✋🏻，當鏡頭感應到就會自動開始倒數，實現遠距離操作鏡頭，完全唔需要用以前嘅自拍棍、藍芽按鍵等等。
除此之外，我諗大部份嘅人都離唔開Zoom，當每次需要zoom嘅時候就唔需要再手持電話，極級方便呀 o(^▽^)o！
3. 實測自訂專屬自己的外屏畫面
Galaxy Z Flip4都可以製造個人化嘅外屏、 主題wallpaper等等，唔同style配合每個人唔同嘅喜好，你想點整都得～
使用方便度：5分
設計多元度：5分
個人化度：5分
搶眼度：5分
入面都有好多唔同主題嘅theme，如果唔想自己整得咁辛苦，都可以參考返其他人，或者可以使用人哋製作好嘅主題！轉換心情嘅時候又轉一轉，想整到幾靚都可以，真係完全個人化，超級方便～
4. 實測IG功能
IG友好度：4.5分
IG拍攝方便度：4.5分
使用相機嘅時候，上下屏嘅功能IG亦都可以支持，加上IG唔同嘅Filter，拍liv 拍reels 都一樣咁友好啊(⁎⁍̴̛ᴗ⁍̴̛⁎)
好鍾意用IG嘅朋友一定對呢個功能愛不釋手😚
5. 實測Quick Share功能
分享方便度：4.1分
Samsung galaxy Z flip 4 支援Quick share功能，分享照片超級方便，無論係用咩系統嘅人，都可以用圖片中最右手邊使用QR碼共享。只scan QR code就會得到共享嘅相、影片等等，唔使通過其他App去send相，可保持相片原有解像度～
總評︰
Samsung galaxy Z flip 4 顏色多元化、潮流輕巧，啱晒最鍾意自拍或者拍vlog嘅人！免手持呢一個賣點亦都係不容忽視，坐枱式設計亦都好方便經常需要開會嘅人士，開會嘅時候就唔需要經常單手手持電話或者使用其他輔助支架～
如果鍾意高解像度自拍嘅人，意思係使用後鏡自拍的話，呢一部的確係值得入手，後鏡加上小屏幕，的而且確係好方便，加上5字手勢就可以自動倒數自拍嘅功能真係如虎添翼～
可摺疊設計輕巧易攜，想摺埋打開點玩都得。
如果有興趣可以去官方嘅網站睇多啲資訊或者資料去了解多啲，又或者可以借用五天免費體驗，親身感受使用一下呢一部手機，試完再決定購買啦( ´▽｀)ノ！
立即登記5天免費體驗︰https://www.samsung.com/hk/offer/galaxy-trial/
5
