Samsung Galaxy Z Flip4｜小巧輕便手機 新一代自拍神器｜iTRIAL用家分享

之前用嘅手機一直都有重量嘅問題，機身太重有時用手機時間長會開始手痛，再加上近年我偏愛用細手袋，手機體積太大好多時都放唔到入細手袋，最後都要用手拎住真係好唔方便。而拍攝方面，我好多時同朋友出街又或者去event都會用到手機嘅前置鏡頭同朋友自拍，而大多數嘅手機前置鏡頭像素都唔算太高，所以有時只要環境光源差小小，都會對相片影嘅質素有好大影響。

我最近試用咗新一代摺疊屏幕手機Samsung Galaxy Z Flip4 ，首先佢嘅外型已經非常吸引我，摺疊屏幕設計令到手機更細更慳位，放落細手袋都完全無問題，而且仲唔會佔太多位置，加上機身輕巧，無論我拎住佢覆幾耐訊息都唔會覺得重同手攰。當然，講到Samsung Galaxy Z Flip4最值得推薦同好用嘅地方，不得不提佢嘅自拍前鏡頭有1000萬像素，相片影出嚟嘅質素非常好，加上摺疊屏幕設計可以隨時將手機穩固咁放喺枱面做遠距離自拍，咁就唔使驚自拍嘅時候因為太近，而影到塊臉好肥，所以我真係非常推薦Samsung Galaxy Z Flip4俾同樣鍾意影相嘅大家，有咗佢之後你同我都可以成為自拍達人啦！

Text & Photo: Hilla Ip (IG: Hilla.ip )

實測 Samsung Galaxy Z Flip4

Samsung Galaxy Z Flip4

價錢： $8,298 (8GB RAM + 256GB ROM) ; $9,298 (8GB RAM + 512GB ROM)

Samsung Galaxy Z Flip4佢嘅免手持操控，完全唔需要打開手機可以完成多項工作，打電話、覆短訊，甚至控制SmartThings Scene widget工具，都可以喺機面屏幕上完成！真係好方便，啱晒講求效率嘅大家。

而佢嘅免手持拍攝，係透過FlexCam模式，大家只需摺疊屏幕，就可以做到毋須手持都拍攝到唔同角度嘅影片同合照。而且佢更可以係Quick Shot模式裡面切換人像模式自拍，真係好適合內容創作者同vlogger使用，隨時隨地方便記錄你想拍低嘅畫面。

而Samsung Galaxy Z Flip4 既主外屏幕及主屏幕仲可以同步使用Galaxy Themes去自訂專屬主題畫面，定制字體、顯示圖示 同 版面設計，俾大家創造個人風格。此外，更加可以使用全新嘅時鐘樣式，甚至可以以圖像、GIFs甚至影片 等格式嘅背景來建立個人化的機面屏幕。

而喺充電方面，Samsung Galaxy Z Flip4嘅超快速充電，大約30分鐘就可充電達50%，咁樣就可以幫大家減少電量不足嘅情況出現，隨時保持聯繫。

產品實測部分

1. 實測外形

輕便易攜度：5分

收納方便 ：4.5分

時尚度：5分

而佢採用細小摺疊屏幕設計，更纖薄嘅隱藏式鉸位配合霧面機身玻璃同金屬框架，更有多種時尚顏色俾大家選擇，包括Bora紫、杏桃粉、石墨黑及冰川藍，加埋佢小巧嘅外型搭配多功能機面屏幕，摺疊後尺寸只係得 84.9 x 71.9 x 15.9-17.1mm，重量 187g，既輕巧又方便攜帶，展開後又有 6.7 吋嘅大螢幕，一次過滿足晒對手機好有要求嘅大家。

2. 實測拍攝功能

#1 Hands-Free Photo Capture 免手持精彩拍攝
透過FlexCam模式，大家只需要打開手機平放，毋用手持都可以用唔同角度拍攝影片或者合照。

#2 Multi-Angle Capture 多角度攝影
可以利用主鏡頭和升級後的Quick Shot 快速自拍，直接喺機面屏幕就可以開始拍攝高質素嘅自拍照片或進行錄影。同時亦支援黑夜亮攝功能，鏡頭嘅像素感應器提升了65%，咁樣黑夜下拍攝都可以更清晰。

#3 Hands-Free Video Chatting 免手持視像對話

免手持視像對話，可以利用機身摺疊屏幕設計，就可以免手持，一邊視像一邊做其他工作。

#4 Front Screen Quick Capture 封面屏幕自拍

唔需要完全打開手機屏幕，直接喺機面屏幕都可以隨時影到靚相，十分方便。更可以切換到人像模式進行自拍。

#5 Top Down Capture 輕易平鋪俯拍

好多時影產品或者食物嘅時候，都會因為鏡頭角度嘅規限而要企高踎低道影相，而家只需要坐定定就可以捕捉到最好嘅角度。

拍攝方便度：5分

拍攝專業度：5分

操作容易度：4.5分

用户界面友好度：4.5分

畫質細緻度：4.6分

Flexcam＋座地自拍，真係好方便，例如免手持精彩拍攝，唔使拎住電話都可以自拍，摺一下手機就可以做到座地自拍，除此之外，上屏自拍畫面，下屏功能界面，更可以隨時隨地咁調整最靚、最好嘅角度，而舉起5字手勢就可以倒數拍攝，想影wide啲多啲景都由自己話事！

而多角度攝影，係影相同免手持視像對話方面更加係方便易用，唔使長期拎住手機咁攰，但又可以好似電腦視像咁方便，工作開會更加得心應手。我最鍾意係封面屏幕自拍因爲十分方便快捷，摺埋部手機都影到相，仲可以用埋後置高清鏡頭自拍同輕易平鋪俯拍，輕輕鬆鬆就可以拍到top shot。

3. 實測自訂專屬自己的外屏畫面

使用方便度: 5分

設計多元度:4.8分

個人化度: 4.5分

搶眼度: 5分

Galaxy Z Flip4 可以自行選擇內部同外部顯示界面，係機面屏幕同主屏幕同步使用用Galaxy Themes， 更可以自行定制字體、顯示圖示同版面 令手機更加個人化。
此外，更可以使用全新的時鐘樣式，或以影片 、GIFs及Emoji 形式等作為背景，
建立屬於你既個人化的機面屏幕。
而且Galaxy Z Flip4亦提供四款時尚顏色，大家可以輕鬆配搭個人潮流打扮，展現個人風格。

4. 實測IG功能

IG友好度：5分

IG拍攝方便度：4.5分

Galaxy Z Flip4嘅IG功能都好容易操作，而當中我最欣賞既係佢嘅防手震功能，喺IG嘅拍攝功能入面都可以用到，令我更易掌握影靚相嘅角度，而upload IG story、拍reels或者live，都十分方便。以後有咁高質素嘅相同影片，就自然會有更多followers俾LIKE啦！

5. 實測Quick Share功能

分享方便度：4.5分

Quick Share功能操作好簡單，就算教屋企長輩用都好快學識！影完嘅相只要用Quick Share功能就可以好快速咁將大量嘅相share返俾朋友或者屋企人。隨時留住同佢哋嘅開心回憶！

總評︰

Samsung Galaxy Z Flip4 ，佢既摺疊屏幕設計令到手機更細更慳位，放落細手袋都完全無問題，而且仲唔會佔太多位置，加上機身輕巧，無論我拎住佢覆幾耐信息都唔會覺得重同手攰。
而佢相片影出黎既質素亦非常好，加上摺疊屏幕設計可以隨時將手機穩固咁放係枱面做遠距離自拍，咁就唔洗驚自拍既時候因為太近，而影到塊臉好肥，所以我真係非常推薦Samsung Galaxy Z Flip4 比同樣鍾意影相既大家。一機在手就可以輕鬆成為自拍達人。

立即登記5天免費體驗︰https://www.samsung.com/hk/offer/galaxy-trial/