The Ordinary 微藻油 “B” Oil ｜ 支持健康的皮膚防禦 舒緩乾燥肌膚｜iTRIAL用家分享
我係一直都好鍾意The Ordinary呢個牌子，因為我嘅皮膚係偏乾同埋有小小易過敏，所以呢一支THe Ordinary嘅“B”oil 係我嘅護膚步驟入面有住比不可少嘅地位，以加強我嘅皮膚的保濕滋潤程度。同埋呢一支油蘊含住多種天然成分例如，高濃度的微藻溶解在角鯊浣和馬魯拉果仁、摩洛哥堅果、猴麵包籽油、巴西堅果、印加果籽、玫瑰果和琉璃苣等天然油，可以令到我嘅皮膚保持天然亮澤，讓我嘅皮膚望落去更加年輕有活力，同埋對於修復皮膚嘅唔穩定都有一定嘅功效。
Text & Photo : Kura Wong (Ig: Kuraawong )
實測 The Ordinary 微藻油 “B” Oil
價錢：$90/30ml
價錢係超級親民，適合所有鍾意貪靚又想保持年輕肌膚嘅女士，一支30ml可以用到最少三個月。
質地：5分
“ B” oil 嘅質地係流動性好高嘅油，油嘅質地唔算非常厚身對比傳統嘅護膚油，同埋搽上臉易推開，配合手法按摩一至兩分鐘就可以完全吸收，係我冬天嘅最愛，夏天開冷氣搽佢都係相當一流，咁正。
清爽度：5分
大家可以由相可見，吸收完之後再用紙黎印都完全唔會黏紙，同埋張紙都完全唔會有油跡，所以完全唔需要擔心好油唔吸收呢個問題，我每次都會用三滴搽曬全臉連頸，然後按摩兩分鐘好快就完全吸收曬，超級迅速滲透入皮膚，同埋超級耐用，真係好抵用，特別推薦俾學生一族。
保濕度：5分
自從用咗呢款全效油之後皮膚嘅保濕度係肉眼可見咁有所增加，同埋細紋係有減淡到，皮膚飽滿有光澤，同埋皮膚過敏嘅情況都有減少，皮膚亦都變得柔軟細緻彈滑咗，加上呢款油無香味，只有油本身嘅味道，都非常好聞，用完好舒服。
總評：
經過我用完一段時間之後呢款The Ordinary 嘅 “ B ”oil整體膚色有改善到，我通常係夜晚先會用，同埋值得一讚呢個牌子嘅包裝，瓶身嘅質地係有防UV嘅，更加有效地保護到產品嘅質量，令到我地可以安心咁用佢哋嘅產品非常貼心，我用完呢一瓶之後感覺自己嘅皮膚有變得後生咗，係保濕抗衰老嘅佳品，同埋價錢真心唔貴嘅良心有效嘅產品，絕對推薦俾大家一齊去試，希望大家都會鐘意我今次嘅分享，我會好快會再同你大家分享更多好用嘅產品，多謝大家。
5
