【The history of Whoo 抗衰老精華】后 皇牌秘貼自生精華 一支解決各種初老問題！

過咗25歲，新陳代謝明顯比以前慢，一捱夜皮膚會變得好差，膚色暗沉，暗粒暗瘡要更長時間去修復。所以近呢一兩年我開始會用一啲抗衰老產品，希望可以保持肌膚年輕健康。

今日想同大家一齊測試熱賣嘅韓國The history of Whoo 后 秘貼 自生精華 Bichup Self-Generating Anti-Aging Essence！這支秘貼 自生精華是一支能一次性解決所有肌膚問題的精華，主要成份為韓國三大宮廷秘方及具自我修復能力的超紫河秘丹。升級版秘貼 自生精華把原有的超紫河秘丹成份提升兩倍，更添加入了矜貴的冬蟲夏草及雪蓮，加強皮膚自我修復能力！下面我會測試一下精華嘅易推度、保濕度同抗氧化度！
 

Text & Photo：Tiffany Tsoi (IG: @your.beautyteller) | Editor：AnGel S.
 

The history of Whoo 后 秘貼 自生精華 Bichup Self-Generating Anti-Aging Essence

價錢：$1,120/50ml

實測The history of Whoo 后 秘貼 自生精華 Bichup Self-Generating Anti-Aging Essence

質地：3.8分

質地偏杰身，有厚度，但容易推開。因爲唔係好薄嘅質地，所以需要按摩一會兒先可以完全吸收，吸收後唔會好笠。

延伸閱讀：

【Dewytree 潔面乳】深層清潔又保濕 洗出韓國女生的BB肌

即時保濕度：4.5分

保濕度明顯，我係手背做咗個水份測試，一開始水份只有29%，使用後即時提升到47%（+18%），油份即時跌至21%，而且保濕效果持久，5個鐘後水份只跌咗2%，仍然有45%，而無搽精華嗰邊維持在29%。
  

總評：

暫時用了The history of Whoo 后 秘貼 自生精華 Bichup Self-Generating Anti-Aging Essence一個多星期，最明顯係皮膚水份改善了，保濕度真係幾好，用完上妝都比較貼服，皮膚有軟熟咗。至於其他效果，譬如提升皮膚光澤感同抗氧化能力並唔明顯，可能要用一段長時間才見效。值得讚賞的是，屬於敏感肌的我用也ok，我會按1泵係手心，搓熱，再按壓上面，用手嘅微溫加快吸收！不過過千元一支精華，價錢有點偏貴，建議大家睇下有無試用裝試左先，啱用先買。

延伸閱讀：

【Sofina 粉底液】夏天控油防汗必備武器 打造清爽柔滑零油光底妝！