【Valmont 卸妝潔面】(上) Purity Icy Falls 清柔之泉潔面啫喱 雙重潔面效果有幾出色？| iTRIAL美評

雙重潔面並唔係新鮮事，而且已經成為護膚必需的步驟，我就算再懶，都一定會先卸妝、再潔面，因為皮膚唔乾淨的話，其實再搽咩護膚品都無用。至於點樣揀潔面產品，我的標準好簡單，就係要方便又有效，Valmont最近新推出的Purity潔膚淨化系列，9款產品任你配搭，我試用了Valmont Purity Icy Falls清柔之泉潔面啫喱及Valmont Purity Bubble Falls 輕柔之泉潔面泡沫，究竟雙重潔面效果有幾出色？等我即刻在iTRIAL美評實測一下啦！

Text: Tiffany Ng (IG @tiffanypanda) | Video & Photo: Sing Ho | Video Editor: Fai

Valmont Purity Icy Falls清柔之泉潔面啫喱及Valmont Purity Bubble Falls 輕柔之泉潔面泡沫

Valmont Purity Icy Falls清柔之泉潔面啫喱(左)及Valmont Purity Bubble Falls 輕柔之泉潔面泡沫(右)

Valmont Purity Icy Falls清柔之泉潔面啫喱

價錢：$1,100/200ml

平均價錢：$5.5/ml

賣點：質感清爽豐厚，潔面啫喱能吸附並清除面上大量的污染物。以按摩塗於面上，然用後以溫水徹底洗淨便可。適合清淡至一般妝容，所有膚質適用， 特別針對缺水的皮膚。

Valmont Purity Bubble Falls 輕柔之泉潔面泡沫

價錢：$500/150ml

平均價錢：$3.3/ml

賣點：溫和而高效，豐盈的泡沬帶有絲滑般輕柔的觸感。獨特配方不含硫酸性成份，有效潔淨肌膚之餘，亦不會傷害肌膚的天然保護層。適合所有膚質， 特別適合混合性肌膚。

Valmont Purity Icy Falls清柔之泉潔面啫喱實測

Icy Falls的啫喱質地

Valmont Purity系列一推出，就成為網上熱話，究竟有咩特別之處？原來Purity系列結合了瑞士冰川泉水及精選益生菌，可以促使皮膚的生態系統平衡及健康，潔膚同時護膚，而且有9種不同的質地選擇，貼心程度實在係市面上少有，難怪咁受歡迎。

由於我平時只會化粉底、眉妝、眼線、胭脂同埋唇妝，不算太濃妝(自以為)，同埋我的皮膚比較乾，所以我揀了Valmont Purity Icy Falls清柔之泉潔面啫喱來卸妝。

將Valmont Purity Icy Falls直接塗上面上輕輕打圈，然後再用暖水徹底清洗就可以了！好方便！好方便！啱晒我這種懶人！

清爽度：4分

啫喱質地雖然豐盈，但一塗上面後，立刻轉化成很輕薄的質地，沒有黏笠感，可算係一大驚喜位！而且用清水洗淨後都沒有繃緊感覺，讚呀！

只卸了右邊面，效果很明顯吧！

潔淨度：4.5分

你無眼花，真係一次過卸走晒全部化妝，我用的係防水染眉膏、眼線及睫毛液，竟然可以輕易卸走，而粉底、胭脂及唇妝都統統無得留低，大愛呀~~~

總評語：

我要隆重宣佈Valmont Icy Falls已經成為我今季最愛的卸妝產品，輕輕打圈再用暖水洗乾淨，就可以徹底卸妝，連眼唇卸妝液都唔需要用，超級方便有高效！而Bubble Falls的泡沫質地亦好舒適，這兩款產品配合用係非常Match！

我還試了同系列的潔面泡沫！

點擊觀看Valmont Purity Bubble Falls潔面泡沫的試用心得！