【YSL Beauté 唇膏】啞緻霧光妝效 一抹散發時尚氣場

今年流行霧光唇妝，所以momo我今次都嚟同大家iTRIAL美評一下YSL Beauté新出嘅絕色霧光唇膏 The Silm Glow Matte，YSL Beauté嘅唇膏應該無人唔識，我都係佢嘅粉絲之一，所以唔講咁多即刻睇下絕色霧光唇膏好唔好用。
  

Text & Photo: Momo (IG: ivym0) | Editor : AnGel S.

YSL Beauté 絕色霧光唇膏 The Silm Glow Matte

價錢：$310 (全新12色)

色號：213

實測YSL Beauté 絕色霧光唇膏 The Silm Glow Matte

包裝：5分

momo本身就對長方體外型嘅嘢情有獨鍾，加上其包裝好有質感，設計時尚，我比5分滿分！

質地：4.3分

質地幼滑，唔顯唇紋，唔黏嘴，亦唔會感覺厚重，帶點霧光效果，低調得來好吸睛，好啱用嚟配搭秋裝。

延伸閱讀：

【YSL Beaute 氣墊粉底】絕美復古V紋皮革氣墊❤ 啞緻底妝保濕不黏笠

易塗度：4分

YSL Beauté唇膏呈方形，方便勾勒唇峰／唇形，但可能我未熟習方形唇膏，位置未拿捏得好準確，相信多用幾次會更好。

上色度：4.5分

可以睇到裸唇(圖一)同塗一層(圖二)差別相當大，上色度已經非常好，再上第二層(圖三)顏色更實色，顯色度很高。

滋潤度：4分

滋潤度不錯，上嘴不覺乾，而且有珠光粒子卻不顯唇紋。

持久度：4分

持久度不錯，掉色都唔算明顯，飲食時唔會留下成「pat」唇印，只係有少少顏色，2小時後仍有顏色留係唇上，不至於回復原本唇色。

總評：

YSL Beauté 絕色霧光唇膏 The Silm Glow Matte容易塗勾勒唇峰／唇形，上色效果很好，塗一層已有不錯的飽和度，持久度方面我幾滿意，不會留有超明顯嘅唇印於餐具上，唇上亦不至於完全掉色，質地亦係我喜歡的一點，完全不黏笠，滋潤度適中，不會突顯唇紋。

非常推薦大家用於秋季妝容，日常外出我會塗一層，若想更有造型感，可塗兩至三層以突顯唇形，強調出女人味。

延伸閱讀：

【Christian Louboutin Beaute 唇釉】必搶！超顯色持久Rouge Matte Fluids液狀唇膏