【YSL Beaute 氣墊粉底】絕美復古V紋皮革氣墊❤ 啞緻底妝保濕不黏笠

身為YSL Beaute忠粉嘅我，點抵抗得住今次出嘅皮革Cushion Foundation (昇級版輕透無重羽毛氣墊粉底)！包裝超級無敵奢華，望落超高級！根本就係迷你小圓包！！如果大家仲未儲到錢入手YSL小圓包手袋，可以買呢個氣墊粉底頂住先～ 就等我試下佢嘅內在(粉底)係咪同外表成正比，值唔值得推介啦！

Text & Photo：TiffanyC (IG：_tiffanycc_) | Editor：AnGel S.

YSL Beauté 昇級版輕透無重羽毛氣墊粉底SPF50/ PA+++

價錢：$530 (全6色)；$370 (refill only) 

色號：#25

包裝：

包裝超靚，超有質感，望落好高級、好奢華，根本就係迷你圓餅包😍😍

實測 YSL Beauté 昇級版輕透無重羽毛氣墊粉底SPF50/ PA+++

易推度：5分

YSL Beaute呢款氣墊粉餅超級易推，用半推半印嘅方式印上，好快就可以上曬半邊面，朝早唔知醒趕時間必備！！

延伸閱讀：

【YSL Beaute 唇釉 & 精華】新品開箱！無重霧感的唇釉 瞓一覺就靚的晚間精華 ❤︎

剛上妝～～

貼服度：4分

質地好薄又貼面，就算上多一層都唔會望落好厚重，薄薄上一層仲可以見到微微光澤感，好似皮膚本身好好的那種自然健康光澤感，似second skin一樣。

保濕度：4分

YSL Beaute呢款昇級版輕透無重羽毛氣墊粉底保濕度唔錯，上左妝一整日到落妝果刻都唔會覺得乾。

清爽度：4分

上妝後摸落一啲都唔笠，好爽身，係混合性肌膚的朋友仔都可以用到嘅氣墊粉底。

遮瑕度： 5分

昇級版輕透無重羽毛氣墊粉底有超高遮瑕度！用粉撲輕輕一按，再用半推半印嘅方式薄薄上一層已經有足夠coverage，黑眼圈大概遮到7-8成，需要重點遮瑕嘅位置再層疊上多一層就可以，但我個人認為薄上一層已經夠曬～

7小時後～～

持久度： 4分

控油度： 4分

平時夏天用cushion foundation唔多唔少點都會溶妝，因為一般氣墊粉底的控油度冇液體粉底咁好，加上依家長時間要戴住口罩，唔控油嘅話所有粉底都會甩到成個口罩都係！但YSL Beaute呢款昇級版輕透無重羽毛氣墊粉底SPF50/ PA+++控油的持久度真心唔錯，上左粉底5-6個鐘都只係鼻翼輕微泛油脫妝，冇太大溶妝問題～

總評：

YSL Beauté昇級版輕透無重羽毛氣墊粉底SPF50/ PA+++各方面都做得好好，唯獨係我用了數天有少少暗粒出咗嚟，亦應該關依家日日都要戴住口罩事，本身容易生暗粒嘅朋友仔要小心，但整體來說YSL Beaute呢款昇級版輕透無重羽毛氣墊粉底係一個唔錯嘅氣墊粉底，適合任何膚質，大推～～

延伸閱讀：

【Dolce & Gabbana 氣墊粉底】啫喱狀獨特配方 清爽自然的第二層肌膚