【YSL Beauté 唇膏】全新The Slim Glow Matte絕色霧光唇膏 黑配玫瑰金搶眼又時尚

YSL Beauté每次推出新唇膏都會帶起一股熱潮，好多時會見人話慢咗一步就買唔到，好快斷貨！我自己好耐之前有試過YSL嘅唇膏，但印像中佢味道比較重，所以之後都無再特別試佢其他新唇膏。但最近推出嘅The Slim Glow Matte絕色霧光唇色，包裝真係靚到好難抗拒，比起過去嘅小金條小銀條，今次嘅小粉條更吸引我！

下面我會同大家測試下小粉條嘅易塗度、上色度、像真度、滋潤度、持久度同易卸度！
 

Text & Photo：Tiffany Tsoi (IG: your.beautyteller) | Editor：AnGel S.

YSL Beauté 絕色霧光唇膏 The Silm Glow Matte

價錢：$310 (全新12色)

色號：210 Nude Out of Line

實測YSL Beauté絕色霧光唇膏 The Silm Glow Matte 

包裝：4.5分 

鏡面玫瑰粉色瓶身配磨砂黑色蓋，瓶身刻有品牌logo，而蓋身就刻有品牌名字全寫，高貴時尚得黎又不失少女感。比起過往嘅黑配金同黑配銀，呢個更得我心，靚！

質地：3.5分 

YSL Beauté 絕色霧光唇膏 The Silm Glow Matte搽出黎比較清爽透薄，唔黏笠，質地容易推開，但略為偏乾了些。

延伸閱讀：

【YSL Beaute 氣墊粉底】絕美升級皮革羽毛氣墊 打造完美無重底妝

易塗度：4分 

今次唇膏用咗方形設計，可以輕易又準確地勾勒唇峰和細緻地畫出完美唇形。

上色度：4分

像真度：3.5分

唇膏上色度與飽和度都好好，薄薄一層就可以遮蓋約7-8成唇色。薄搽#210會偏橘紅，這樣像真度會弱一點，厚塗像真度會高一點，會同唇膏本身望落般啡啲、深啲、相似啲。

滋潤度：3分

唇膏係霧面妝感，塗起來偏乾，如果嘴唇狀態唔好唔適合搽，睇圖會見到佢卡唇紋同死皮。搽之前要做好唇部護理，最好做個唇部磨砂，如果唔係上嘴效果會冇咁靚。

持久度：3分

唇膏持久度一般，會沾杯，食完飯、抹完嘴剩返約5成色。

易卸度：4.5分

唇膏可以用眼唇卸妝液輕易卸掉，用沾咗眼唇卸妝液嘅化妝棉敷係唇上幾秒，輕輕一抹，就可以卸掉9成，唔會染唇。

總評：

總括來講，YSL Beauté 絕色霧光唇膏 The Silm Glow Matte今次總共推出了12隻色，效果是霧面而帶有細閃，上嘴後好自然，做到啞緻得來帶有柔光的效果。我覺得#210薄塗比較好睇，唇邊可以用手指推開，無咁實色會靚啲。有點可惜的是個質地偏乾會有少少卡唇紋和顯死皮，但其實好多霧面唇膏都係咁，只要係搽之前做好唇部護理就可以。同埋今次唇膏味依然偏重，但比以前好聞，係唇上散得幾快，可以接受，所以外貌協會嘅我表示呢個系列可以入手一支，放係手袋到得閒睇下人都開心啲！

延伸閱讀：

【Make Up For Ever 唇膏】秋冬必備霧面妝感唇膏 一秒化身唇掃繪出精緻唇形❤︎