【YSL Beaute 唇膏】星星唇膏登陸香港 有色潤唇膏腔必買！

身為唇膏控嘅我點會錯過任何唇膏新品!! 我一向都好鍾意YSL Beauté嘅唇膏，我諗屋企已經有多過10支~ 今次YSL Beauté迷魅閃星唇膏集滋潤與修護於一身，主打兼具水潤顯色以及極致閃耀的豐唇效果。外層擁有尤加利鮮萃純色複方 ，糅合尤加利鮮萃、澳洲堅果油及百香果籽油等滿滿的柔嫩護唇因子呵護雙唇，為雙唇持續補水，打造極致Q彈美唇。換言之，有護唇效果，唔會顯唇紋！一於同大家試下係咪真係咁潤啦!

Text & photo : TiffanyC (IG: _tiffanycc_) | Editor：AnGel S.

YSL Beauté 迷魅閃星唇膏 Rouge Volupté Rock'n Shine

價錢：$310

色調：#07 帶微金黃色調的紅色，鮮豔奪目。

實測YSL Beauté 迷魅閃星唇膏 Rouge Volupté Rock'n Shine 

顯色度：3.5分

佢唔算好顯色，因為佢始終都係比較潤身嘅質地，所以唔可以expect佢會好實色。 但唇色可以慢慢buildup，搽多1-2層，唇色更明顯！ 

滋潤度：4分

集滋潤與修護於一身，就算冇搽潤唇膏打底都絕對冇問題！ 

延伸閱讀：

【YSL Beauté 唇釉】絕美放毒！大大推薦YSL最新柔霧唇釉

持久度：4分

你見我錫左一下手背都唔係掉好多顏色，就算食完野之後都keep到6成色，係我唇上持久度唔錯。 

總評：

YSL Beauté 迷魅閃星唇膏 Rouge Volupté Rock'n Shine集滋潤與修護於一身，具有護唇效果，質感好水潤，唔使再另外用潤唇膏打底，仲唔顯唇紋！外表靚，唇色又靚，點可以忍到手唔買啊！YSL唇膏出名樣靚身材正，睇嚟又要雙手奉上銀包，老實講，完全有包色嘅衝動！😛

本人私心推介，因為我係「有色潤唇膏控」，如果你同我一樣，就一定要去專櫃試下啦！ 

延伸閱讀：

【Dior 唇膏】全新鏡光星閃唇膏 保濕而且超顯色！