【Belif黑頭膏】韓國大熱竹炭磨砂黑頭膏 去角質吸黑頭同步潔淨!

黎到六月踏入夏天，天氣越黎越熱，出一陣街塊面已經瘋狂出汗出油。我個人本身個鼻油脂分泌比較多，好容易積左好多黑頭係個鼻頭度，一個唔小心又變左士多啤梨鼻！所以做好清潔係好重要既一個部分，今次就試下韓國大熱Belif竹炭磨砂黑頭膏Nose Shine Boy Black Edition Special Set幫唔幫到我啦！即刻在iTRIAL美評實測一下先！

Text and Photo: Vivienne Man (IG: vivienneballman) | Editor: Tiffany Ng & Katie Kwong

Belif 竹炭天然磨砂黑頭膏套裝
Nose-Shine Boy Black Edition Special Set

價錢：$385 / 30ml x 2pcs (附深層毛孔清潔刷)

實測 Belif 竹炭天然磨砂黑頭膏套裝
Nose-Shine Boy Black Edition Special Set

黑頭膏質地黏黏地，有細細粒的磨砂

清爽度：4分

用完之後個鼻真係好乾爽！不過我本身皮膚比較容易敏感，有少少乾過頭吉吉地既感覺。

肥波使用前（左）及使用後（右）

Kelvin使用前（左）及使用後（右）

潔淨度：5分

對比番使用前後，見到鼻頭位置有少少乾净左，但唔算明顯。

柔軟度：5分

望落好似海綿，但其實係由好多條幼細既毛組合而成。用手摸已經覺得好舒服，用埋落面度覺得按下按下舒服到好治愈！

毛刷清潔度：3分

同用手整分別不算太大，但可以避免用手太大力會整損毛孔!

總評語：

套裝附送刷子非常貼心，可以用黎洗塊面其他位置都得！同埋使用方法好簡單快捷，適合一眾貪快貪方便既懶人！雖然即時效果唔顯著，但明顯清走左個鼻上面既油脂，用得多黑頭粉刺都要講byebye！